COMERCIO
Os gañadores dos concursos de Beléns e de Ambientación de Nadal recibiron os seus agasallos nun acto en Raxoi
O alcalde compostelán, Ángel Currás, presidiu no Pazo de Raxoi a entrega dos premios dos concursos de Beléns e de Ambientación de Nadal, promovidos pola Concellería de Comercio. Os triunfadores foron elixidos por votación popular a través do Facebook do programa #Nadalamos.
CULTURA
A Banda Sinfónica da Federación Galega de Bandas de Música estrea as obras gañadoras do Concurso Galego de Composición
Dirixida por Xosé Carlos Seráns, a Banda Sinfónica da Federación Galega de Bandas de Música estreará as obras premiadas do VI Concurso Galego de Composición para Banda de Música. Estas serán as obras obrigadas no VIII Certame Galego de Bandas de Música.
CULTURA
Jorge Blass, o Mago Romarís e Trompicallo Teatro no ciclo Infantil & Familiar
Dous espectáculos de maxia e outro de teatro pechan o ciclo Infantil & Familiar neste mes de decembro. Jorge Blass, Mago Romarís e Trompicallo Teatro protagonizan estas actividades os días 28, 29 e 30 de decembro no Teatro Principal.
CULTURA
Hendrik Röver e Adrián Costa, citas musicais para o último fin de semana do ano
O sábado 28, ás 21:30 horas, a Sala Capitol acollerá o concerto do líder de Los Deltonos, Hendrik Rover, pechando o ciclo Íntimo & Acústico neste 2013. Ao día seguinte, ás 20:30 horas, dentro do Blues Nite, cita con Adrián Costa, cantante e guitarrista de Los Reyes del K.O., no Salón Teatro.
TURISMO
O concurso turístico "Desexo concedido" xa ten os seus 20 gañadores
A concelleira de Turismo, Reyes Leis, e a xerente de Turismo de Santiago, Maruxa Ledo, presentaron os gañadores do concurso Desexo concedido, que formou parte da campaña promocional de inverno de Turismo de Santiago de Compostela.
EMPREGO
O Concello inicia as accións para mellorar a cualificación profesional de 200 persoas no marco do Urbana Santiago Norte
A concelleira de Emprego, Reyes Leis, visitou o Curso de Operadores/as de Carretillas Elevadoras, que se desenvolve no Centro de Formación Ocupacional de Sanxuás (Aríns). Este curso forma parte das accións formativas postas en marcha polo Concello dentro do Programa de Cualificación Profesional do Urbana Santiago Norte.
DEPORTES
Xornada de portas abertas para fomentar a práctica da ximnasia rítmica
O pavillón polideportivo de Pontepedriña acollerá o sábado 4 de xaneiro a I Xornada de Portas Abertas de Ximnasia Rítmica, organizada polo Club Ximnasia Rítmica Viravolta, un dos dous clubs desta disciplina cos que conta a cidade. A participación é de balde e está aberta a nenas e nenos de entre 5 e 14 anos.
FESTAS
A igrexa de Santa María do Camiño acolle unha xornada de solidariedade a beneficio da Cociña Económica
A Concellería de Festas colabora por segundo ano consecutivo na Humildade pola solidariedade, unha xornada solidaria e festiva organizada pola Confraría da Humildade que se celebrará o sábado 28 de decembro na igrexa de Santa María do Camiño. Os alimentos non perecedoiros recadados irán destinados á Cociña Económica.
COMERCIO
Catro veciños da Almáciga, Meixonfrío, Vite e A Trisca serán a imaxe da campaña "No corazón do teu barrio"
A campaña No corazón do teu barrio, incluída no programa Urbana Santiago Norte, xa ten os seus catro gañadores. Estes catro veciños serán a imaxe da devandita campaña e recibirán un iPad mini como premio.
COMERCIO
Trinta e un deseños aspiran a ser a imaxe-marca da sinaléctica comercial do barrio de San Pedro
Rematado o prazo de presentación de deseños para ser a imaxe-marca da sinaléctica comercial do barrio de San Pedro, foron 31 as propostas finalmente recibidas. Ata as 13:00 horas do domingo 29 de decembro, calquera persoa pode achegarse ao Museo do Pobo Galego para ver estes deseños e votar a mellor. O luns 30 de decembro, o xurado elixirá a imaxe final do barrio de San Pedro entre as cinco propostas que obtiveran maior número de votos.