Noticias

O alcalde compostelán, Xosé A. Sánchez Bugallo, visitou a rematada obra de urbanización do tramo de Xeneral Pardiñas comprendido entre Montero Ríos e Carreira do Conde. Esta actuación, realizada con fondos FIL, supuxo un investimento de 700.000 euros.

A concelleira de Participación Cidadá, Guadalupe Rodríguez, presidirá esta tarde o acto de recoñecemento que o Concello quere render á agrupación folclórica Cantigas e Agarimos polos seus 88 anos de labor ininterrompido en prol da música tradicional galega. Será na Casa das Asociacións de Cornes ás 20:30 horas.

O concerto do cantante de reggae Sizzla Kalonji era o primeiro dos tres programados no ciclo "Importa Santiago DC", presentado o pasado 30 de setembro e apoiado pola concellería de Xuventude e Festas en colaboración coa Sala Capitol.

O alcalde compostelán, Xosé A. Sánchez Bugallo, anunciou que o martes 3 de novembro, ás 11:00 horas, asinarase en Raxoi o convenio entre Concello, Xunta e Ministerio de Fomento para a construción da estación intermodal do AVE. "Ben está o que ben acaba", apuntou, resaltando a "vontade de colabora coa Comunidade Autónoma e co Ministerio para sacar adiante unha actuación decisiva e decisoria para Santiago e para o conxunto de Galicia".

O alcalde compostelán, Xosé A. Sánchez Bugallo, recibiu ao presidente da Asociación de Hostalería de Galicia, Juan Silva. Este quixo convidalo ao congreso internacional sobre hostalería que albergará o Palacio de Congresos do 19 ao 21 de maio de 2010.

A delegada de Filmax en Galicia, Inmaculada Castaño, reuniuse co alcalde compostelán, Xosé A. Sánchez Bugallo, para explicarlle os detalles da rodaxe e da futura estrea do filme The way (O camiño).

Por mor das festividades de Todos os Santos e Defuntos, o horario de apertura do cemiterio de Boisaca será de 9.00 a 19.00 horas do 29 de outubro ao 2 de novembro. Ademais, polo notable incremento de visitantes deste cemiterio nestas datas, reforzarase o servizo de transporte urbano os días 31 de outubro e 1 de novembro.

A Unidade de Atención ás Familias (UAF), da Concellería de Benestar Social, organiza unha Xornada sobre prevención e control do absentismo escolar, baixo o título Depende de ti. A educación, un dereito, un deber. Celebrarase o luns 2 de novembro, de 16.00 a 20:00 horas, no Paraninfo da Universidade de Santiago, na Facultade de Xeografía e Historia. A asistencia é de balde.

Chega como cada novembro unha das citas culturais máis agardadas do outono cultural da cidade. O mércores 4 de novembro, a película gañadora da Palma de Ouro no Festival de Cannes, A cinta branca, de Michael Haneke, abrirá unha maratón de proxeccións que durará ata o 2 de decembro.

"Unha valgada con dous prados na parte baixa rodeados dunha carballeira ampla que tamén terá outras especies autóctonas, aumentará enormemente o valor ecolóxico, o valor paisaxístico e o valor recreativo dun espazo que xa hoxe é de grande interese". Con estas palabras definiu a concelleira de Medio Ambiente, Elvira Cienfuegos, o resultado final dos traballos que se están a desenvolver na Selva Negra.