CENTROS SOCIOCULTURAIS
Clausurados con éxito os campamentos abertos de Vive o Nadal
Pecháronse os Campamentos Abertos de Nadal, actividades de conciliación familiar e laboral programadas pola Concellería de Centros Socioculturais no marco de Vive o Nadal. Estas actividades realizáronse dende o 26 de decembro e ata o 4 de xaneiro nos centros socioculturais das Fontiñas, O Ensanche e Conxo, e nos locais socioculturais das parroquias rurais da Gracia, Nemenzo e Figueiras.
URBANISMO
Urbanismo incorpora á Carpeta Cidadá os procedementos de comunicación de obras menores e de fin de obra
A Concellería de Urbanismo continúa incorporando novos servizos co fin de facilitar o acceso dos cidadáns aos procedementos urbanísticos e de axilizar os trámites nesta materia. Así, segundo anunciou a titular do Departamento, María Pardo, a Carpeta Cidadá incluirá dous novos servizos: a comunicación de determinadas obras menores e a comunicación de finalización de obra.
EDUCACIÓN
Última xornada do programa de Nadal de Educación antes da volta ás clases
A concelleira de Educación, Rebeca Domínguez, clausurou no CEIP Pío XII as actividades do programa de conciliación de Nadal organizadas polo Concello neste centro e nos colexios As Fontiñas e Ramón Cabanillas.
ALCALDÍA
Lembrando a Isaac Díaz Pardo e Ramón María del Valle-Inclán
O alcalde compostelán, Ángel Currás, asistiu en Boisaca á ofrenda floral a Ramón María del Valle-Inclán con motivo do 77º aniversario do seu pasamento. A continuación, no mesmo cemiterio, participou nos actos polo primeiro aniversario do pasamento de Isaac Díaz Pardo.
CABALGATA
Os Reis Magos repartiron ilusións e caramelos entre os nenos e nenas de Santiago
A tradicional Cabalgata de Reis congregou nas rúas compostelás primeiro e logo no Obradoiro a milleiros de nenos e nenas, desexosos de ver as Súas Maxestades para expresarlle as súas peticións en forma de agasallos. Ao seu paso polas ateigadas rúas da cidade, os Reis Magos repartiron ilusións e 3.500 quilos de caramelos sen glute.
DEPORTES
Os nenos e nenas participantes nas actividades de Nadal do Centro Don Bosco patinaron na pista de xeo
Continúa aberta a pista de xeo da Alameda, e con ela as visitas de distintos colectivos, co fin de que ninguén quede sen patinar. Desta vez foron os rapaces do Centro Xuvenil Don Bosco os que pasaron polo recinto. Alí con eles tamén estivo o concelleiro de Deportes, Adrián Varela.
EDUCACIÓN
Últimas dúas xornadas do programa de conciliación laboral e familiar de Nadal da Concellería de Educación
A concelleira de Educación, Rebeca Domínguez, acompañou, durante unha visita ao Museo do Pobo Galego, os nenos e nenas que participan nas actividades de conciliación de Nadal organizadas polo seu departamento nos CEIP Pío XII, As Fontiñas e Ramón Cabanillas. Este era o penúltimo día do programa, que rematará o luns 7.
MEDIO RURAL
A reposición dos máis de 38.000 metros de cableado roubados en 2012 supuxo para o Concello un gasto de 150.000 euros
O concelleiro de Medio Rural, Alumeado Público e Abastecemento e Saneamento, Luis Bello, expresou en rolda de prensa a súa preocupación polo crecente número de roubos de cableado do alumeado público. Así, ao longo de 2012 foron subtraídos 38.295 metros de cable de cobre en 56 instalacións municipais, que xeraron un custo de reposición de 150.287 euros e se traduciron en 17 denuncias.
CULTURA
Dani Mateo inaugura o ciclo Falabaratos 2013 no Auditorio de Galicia
O ciclo Falabaratos, do Departamento de Cultura, trae nova programación neste 2013 e estrea a mesma con Dani Mateo o sábado 12 de xaneiro, ás 21:00 horas, no Auditorio de Galicia.
CULTURA
Cancións galegas de Antonio Fernández-Cid para clausurar a XII edición do Todo Lírica
A XII edición do ciclo Todo Lírica clausúrase o venres 4 de xaneiro co concerto As cancións galegas dedicadas a Antonio Fernández-Cid, no que os alumnos da Escola Superior de Canto de Madrid estarán acompañados dos pianistas Borja Mariño e Carmen Fernández Cabrera. As entradas poden mercarse na billeteira do Principal ou en Novagaliciabanco a 8 euros.