PROMOCIÓN ECONÓMICA
Botan a andar os novos "Batidos Sinérxicos de Economía Social"
Esta mañá botaron a andar os Batidos Sinérxicos de Economía Social, encontros mensuais enmarcados no programa Compostela Móvese con S de Social 2018. Trátase de sesións temáticas que se celebrarán en diferentes espazos da cidade e que teñen como obxectivo deseñar ferramentas e accións vinculadas á economía social. A concelleira de Políticas Sociais, Concha Fernández, participou hoxe na primeira das xuntanzas, na sede de Miraxe, Sociedade Cooperativa Galega.
POLÍTICAS SOCIAIS
Compostela conmemora o Día das Persoas Refuxiadas con varias actividades
O 20 de xuño conmemórase o Día Mundial das Persoas Refuxiadas, e a Concellaría de Políticas Sociais ten en marcha varias actividades para celebrar esa data, xunto coa Rede Galega de Apoio ás Persas Refuxiadas e ao Foro Galego da Inmigración. Tamén se porá en marcha unha campaña de visibilización dos dereitos destas persoas, a través da rotulación dos taxis da cidade.
ALCALDÍA
Asinado o acordo para traer a Santiago "a mellor Supercopa Endesa dos últimos tempos"
O alcalde, Martiño Noriega, e o director xeral da ACB, José Miguel Calleja, asinaron este mediodía o acordo para a celebración da Supercopa Endesa 2018 en Santiago. Foi nun acto no que tamén participaron o presidente da Deputación da Coruña, Valentín González Formoso; o director xeral territorial de Endesa, Miguel Temboury; o presidente do Monbus Obradoiro, Raúl López, e a concelleira de Deporte, Noa Morales.
POLÍTICAS SOCIAIS
Recepción con motivo do Día Nacional das Linguas de Signos Españolas
A concelleira de Políticas Sociais, Diversidade, Saúde e Centros Cívicos, Concha Fernández, acompañada doutros/as integrantes da Corporación, recibiu a Asociación de Persoas Xordas de Santiago de Compostela, con motivo do Día Nacional das Linguas de Signos Españolas.
MOBILIDADE
Tussa comeza a xestionar directamente os servizos da ORA e do guindastre
A empresa municipal Tussa comezará mañá venres a xestionar directamente os servizos da ORA e do guindastre, tal e como estaba anunciado. A partir de mañá, poderase utilizar a nova aplicación para o pago do aparcamento a través do móbil, Moviltik, e deixará de estar operativa a actual app, E-park.
EDUCACIÓN
O concelleiro de Educación e Cidadanía súmase á xornada de Land Art do CEIP Pío XII
O alumnado do CEIP Pío XII participou hoxe na Alameda nunha sesión de Land Art, á que non quixo faltar o concelleiro de Educación e Cidadanía, Manuel Dios. Na actividade, que xa está consolidada no calendario do centro, participaron os nenos e nenas de Infantil e do primeiro ciclo de Primaria.
MEDIO AMBIENTE
O Concello de Santiago e Hostalería Compostela colaboran para fomentar o consumo da auga da billa
O Concello de Santiago e a asociación Hostalería Compostela veñen de asinar un convenio que ten como obxectivo promover o consumo da auga da billa e, polo tanto, reducir a xeración de residuos no sector HORECA. O acordo, enmarcado no proxecto Santiauga, foi presentado hoxe polo concelleiro de Medio Ambiente e Convivencia, Xan Duro, e a presidenta do colectivo hostaleiro, Sara Santos.
TURISMO
O lume sagrado do Pico Sacro regresa a Santiago polo San Xoán
As rúas da zona histórica de Compostela iluminaranse o próximo 22 de xuño coa Ofrenda do Lume Sagrado do Pico Sacro, unha iniciativa na que colaboran os concellos de Santiago e Boqueixón, e a Asociación Fervenza do Castro de Callobre (A Estrada). Trátase dunha recreación da tradición pagá coa que se daba a benvida ao solsticio de verán, que se enmarca na celebración do San Xoán, e que seguirá á cerimonia para a obtención do lume, o domingo 17 de xuño no cumio do Pico Sacro.
POLÍTICAS SOCIAIS
Comeza unha rolda de xuntanzas no rural para presentar os Servizos Sociais Comunitarios
A concelleira de Políticas Sociais vén de iniciar unha rolda de reunións coas asociacións veciñais da zona rural para presentar e explicar os diferentes programas e prestacións que se desenvolven desde os Servizos Sociais Comunitarios do Concello de Santiago. Concha Fernández mantivo onte a primeira desas xuntanzas, coa veciñanza de Bando e Aríns.
CENTROS CÍVICOS
Sorteo para a adxudicación de prazas nas actividades matinais nos centros cívicos durante o mes de xullo
Rematado o prazo para a preinscrición nas actividades matinais nos centros cívicos urbanos e rurais do mes de xullo, mañá xoves 14 de xuño, ás 12:30 horas, celebrarase no Centro Cívico do Ensanche o sorteo público das prazas naqueles grupos nos que se teñen recollido máis demanda que prazas existentes.