ALCALDÍA
Compostela será a sede do Congreso Anual da Asociación Española de Dereito do Traballo
Santiago vai acoller no próximo mes de maio o XXVIII Congreso Anual da Asociación Española de Dereito do Traballo e da Seguridade Social, no 50 aniversario da entidade. A súa presidenta, María Emilia Casas, foi recibida esta mañá polo alcalde no Pazo de Raxoi.
CONVIVENCIA
A Policía Local fará controis no transporte escolar entre o 19 e o 23 de febreiro
A Dirección Xeral de Tráfico pon en marcha unha nova campaña de control do transporte escolar. No marco da mesma, a Policía Local realizará inspeccións entre o 19 e o 23 de febreiro, e o seu obxectivo é revisar que se cumpran os requisitos obrigatorios relativos ao transporte de menores en idade escolar, como o uso do cinto de seguridade, o acompañamento dunha persoa adulta autorizada ou a documentación actualizada do vehículo.
CONSORCIO
O Consorcio remata as obras de conservación da igrexa de Santa Cristina de Fecha
No marco das actuacións que o Consorcio de Santiago leva a cabo no patrimonio do termo municipal, e moi estreitamente relacionado coa cidade histórica e os Camiños de Santiago, interveuse na igrexa de Santa Cristina de Fecha, situada na parroquia homónima. O organismo interadministrativo destinou a esta obra un orzamento de 27.291,05 euros.
TURISMO
Turismo colabora co I Camino de Santiago Film Festival, que se celebrará en Boston (USA)
A concelleira de Turismo, Marta Lois, participou na presentación da primeira edición do Camino de Santiago Film Festival, que se celebrará do 12 ao 14 de outubro en Boston, e que conta coa colaboración de Turismo de Santiago, que aproveitará o evento para manter xuntanzas con axentes de viaxes e profesionais do sector turístico da costa Este dos Estados Unidos.
TURISMO
O Santiago Convention Bureau estará por primeira vez no Congreso de Empresas Organizadoras de Congresos
Turismo de Santiago estará presente por primeira vez no Congreso Nacional de Empresas Organizadoras de Congresos de España, que este ano celebra en Alcalá de Henares a súa trixésima edición do 15 ao 17 de febreiro. Turismo de Santiago participa a través do seu servizo propio para a captación de Congresos, Eventos e Xornadas, o Santiago de Compostela Convention Bureau.
XUNTA DE GOBERNO
A Xunta de Goberno aproba definitivamente os orzamentos de 2018
A Xunta de Goberno acordou hoxe a aprobación definitiva dos orzamentos de 2018, ao tempo que desestimou as alegacións presentadas ao proxecto. O alcalde, Martiño Noriega, lembrou que as contas terán que ser ratificadas polo Pleno da Corporación antes da súa entrada en vigor.
DEPORTE
Santa Isabel acolle este sábado o Campionato Galego de Grupos Show de patinaxe artística
O pavillón municipal de Santa Isabel acolle este sábado o XVII Campionato Galego de Grupos Show para Grandes e Pequenos de Patinaxe Artística. O evento está organizado polo Club Deportivo Fontiñas e contará coa participación de case 250 patinadores e patinadoras de toda Galicia.
ALCALDÍA
O Pleno abordará esta tarde o convenio para a construción da EDAR
O Goberno local levará ao Pleno da Corporación desta tarde o convenio con Augas de Galicia e Acuaes para a construción da nova estación depuradora de augas residuais "porque ese é o órgano municipal competente para aprobalo ou rexeitalo, e porque as outras administracións implicadas urxen unha resposta do Concello de Santiago ao respecto", en palabras do alcalde, Martiño Noriega, quen reiterou que "o grupo de Goberno non vai apoiar o texto, porque consideramos que non é un acordo bo para a cidade".
ALCALDÍA
O Concello require a clausura da planta de tecnosolos de Miramontes
O Pleno da Corporación acordou hoxe, por unanimidade, requirir a clausura da planta de tecnosolo de Miramontes e a restauración da zona da canteira, despois de que todas as analíticas confirmaran a existencia de vertidos e cheiros no contorno. Na sesión interveu Alfonso Manuel Fernández Otero, representante da Plataforma de Afectados polo Vertedoiro de Miramontes, que relatou as irregularidades que se veñen producindo na planta.
PLENO
O Pleno debaterá nunha próxima sesión o convenio para a construción da EDAR
O Pleno da Corporación debaterá nunha próxima sesión a adhesión ou rexeitamento do convenio con Acuaes e Augas de Galicia para a construción da Estación Depuradora de Augas Residuais. Na sesión de hoxe non se puido producir a votación, ao non ser levantado o reparo que a Intervención Municipal lle puxo ao expediente.