Noticias

Turismo de Santiago e Viajes El Corte Inglés asinaron un convenio de colaboración co fin de potenciar a oferta turística de Santiago de Compostela, e a súa difusión e comercialización a través de produtos concretos, operados e distribuidos por Viajes El Corte Inglés na Península Ibérica. O convenio, que estará en vigor ata o 30 de novembro de 2009 e conta cun plan de marketing de 300.000 euros cofinanciados ao 50%, foi presentado no Pazo de Raxoi polo concelleiro de Promoción Económica e Turismo,...

Presentouse o Concerto de Reis que a Real Filharmonía vai ofrecer o luns 5 de xaneiro ás 22:00 horas no Auditorio en favor da Fundación para a infancia Meniños. No acto interviron a concelleira de Cultura, Elvira Cienfuegos; o director da Real Filharmonía de Galicia, Maximino Zumalave; e a directora técnica da Fundación Meniños, Kucha Movilla.

Co Nadal chega de novo o Festival de Zarzuela de Santiago, un proxecto creado hai oito anos promovido pola Concellaría de Cultura coa colaboración da Asociación Galega da Lírica. O ciclo segue o formato das anteriores edicións e constará de tres concertos que se celebrarán no Teatro Principal.

O Festival SCQ Danza, que ao longo de todo o ano achegou a Compostela as mellores compañías peninsulares de danza contemporánea, pecha a súa edición de 2008 con Femenine, unha creación coreográfica de Paulo Ribeiro coproducida polo Centro Coreográfico Galego. A cita é o sábado 20 de decembro, ás 21:00 horas, no Teatro Principal.

Santiago será a primeira cidade galega que poña en marcha o programa Thao Saúde Infantil. Esta iniciativa ten como obxectivo a prevención da obesidade nos máis novos.

Baixo o lema "As Fontiñas, un barrio a imitar", o Concello de Santiago organiza un acto lúdico para celebrar a recente concesión do premio europeo de arquitectura Philippe Rothier 2008 ao deseño urbano deste barrio.

A concelleira de Cultura e Centros Socioculturais, Elvira Cienfuegos, presentou o programa Nadal Cultural, que encherá a cidade de actividades lúdicas e culturais para toda a familia. A programación iniciouse o 12 de decembro e prolongarase ata o 5 de xaneiro de 2009.

O alcalde compostelán, Xosé A. Sánchez Bugallo, recibiu en Raxoi ao Premio Nobel de Química en 2001, Karl Barry Sharpless, que asinou no Libro de Honra da Cidade. O científico está en Santiago para participar no programa ConCiencia, organizado pola USC en colaboración co Consorcio e a Fundación Caixa Galicia.

A concelleira de Educación, Guadalupe Rodríguez, presentou unha nova edición de Troularte, o plan de dinamización das escolas rurais de Compostela. Desenvolverase durante o que queda de curso, ata o mes de maio.

Un día despois da recepción aos traballadores xubilados en 2008, vez para os integrantes das empresas de servizos municipais. O alcalde, Xosé A. Sánchez Bugallo, agradeceulles o seu traballo ao longo do ano que remata.