TURISMO
"La princesa Alegría", do madrileño Daniel Utrilla, gaña o concurso Compostela Plató
Desvelouse o gañador de Compostela Plató, o concurso de guión organizado polo Festival Internacional de Curtametraxes Curtocircuíto. Trátase de La princesa Alegría, do madrileño Daniel Utrilla.
MEDIO AMBIENTE
Unha invitación a descubrir o Sarela de ponte a ponte
A concelleira de Medio Ambiente e Desenvolvemento Sustentábel, Elvira Cienfuegos, acompañada de Paula Piñeiro, xerente de Aquagest en Santiago, presentou en rolda de prensa o roteiro De ponte a ponte, polo río Sarela, que será divulgado a través dun folleto despregable. O roteiro e o folleto son froito da colaboración entre a Concellaría do Medio Ambiente e a empresa Aquagest, empresa concesionaria da rede de abastecemento de augas do municipio.
FESTAS
Carlos Baute, Caetano Veloso, Mala Rodríguez ou Amaral, primeiros nomes confirmados das Festas do Apóstolo
O concelleiro de Festas, Xosé Baqueiro, anunciou un avance do programa das Festas do Apóstol, que se celebrarán entre o 18 e o 31 de xullo. Carlos Baute, Caetano Veloso, Mala Rodríguez, Milladoiro, Amaral ou Loreena Mckennitt son algúns dos nomes xa confirmados.
CULTURA
Inaugúrase exposición "Fotógrafos Insospeitados. Celebridades detrás do obxectivo"
A exposición Fotógrafos Insospeitados. Celebridades detrás do obxectivo, inaugurarase martes 1 de xullo, ás 20:00 horas no Auditorio de Galicia. A Concellería de Cultura tiña previsto inaugurar esta mostra o 18 de xuño, pero problemas de transporte das pezas da mostra, provocados polo conflicto do transporte obrigaron a adiar a inauguración.
ALCALDÍA
O Consello Económico e Social dá o visto bo ao documento provisorio do Plan Estratéxico
Os membros do Consello Económico e Social reuníronse para coñecer e dar aprobación ao documento final provisorio de liñas e medidas estratéxicas do Plan Estratéxico de Santiago de Compostela, que fai unha diagnose e achega as liñas mestras que seguirá a nosa cidade durante os vindeiros vinte anos.
EDUCACIÓN
Trescentos rapaces participan cada día na edición de xuño da Escola de Verán
A concelleira de Educación, Guadalupe Rodríguez, visitou as Escolas Municipais de Verán de Pío XII, Fontiñas, Colexiata de Sar e Quiroga Palacios, con motivo da posta en marcha desta iniciativa. Estes espazos educativos e de lecer estarán abertos ata o 27 de xuño, e posteriormente do 1 ao 5 de setembro.
BENESTAR SOCIAL
O Concello únese a unha campaña de sensibilización social "Panos brancos contra a droga"
A campaña "Panos brancos contra a droga" é un movemento social de rexeitamento ás drogas e ao narcotráfico. Promóveo a Fundación Galega contra o Narcotráfico e este 2008 sae por primeira vez do Salnés para recalar en Santiago de Compostela cunha serie de actos previstos para o xoves 26 de xuño, data en que se celebra o Día Internacional contra o uso indebido e o tráfico ilícito de drogas.
ALCALDÍA
Cambio na xefatura do Aeródromo Militar de Lavacolla
O ata agora coronel xefe do Aeródromo Militar de Lavacolla, Miguel Pérez Herrero cambia de destino despois de catro anos en Santiago. Por este motivo acudiu a Raxoi para despedirse do alcalde, Xosé A. Sánchez Bugallo.
CULTURA
Xosé Manuel Rial Fernández gaña o primeiro premio do II Concurso de Fotografía LGBT Aturuxo
Déronse a coñecer os premiados no II Concurso de Fotografía LGBT Aturuxo durante a inauguración da Mostra dos seleccionados no devandito concurso. O acto celebrouse no Centro Coordinador de Información e Documentación Xuvenil (Casa da Xuventude), na praza do Matadoiro.
PROMOCIÓN ECONÓMICA
O estudo urbanístico do polígono industrial do Tambre completarase coa información achegada polos empresarios
O 25 de xuño, ás 20:00 horas, o Centro Empresarial, sede da Asociación de Empresarios do Polígono Industrial do Tambre, acollerá unha reunión de empresarios co obxectivo de recoller a máxima información posible para completar o estudo realizado pola Concellaría de Promoción Económica, Emprego, Comercio e Turismo sobre a adaptación do urbanismo da zona á normativa vixente nesta materia.
