BENESTAR SOCIAL
María Castelao tomou contacto co traballo en rede do barrio das Fontiñas
A concelleira de Benestar Social, María Castelao, participou na reunión de barrio das Fontiñas coas entidades sociais, educativas e sanitarias que traballan na zona. O encontro celebrouse no Centro Sociocultural das Fontiñas.
CULTURA
"Monólogos inocentes" con Manuel Manquiña e Luis Zahera no ciclo Falabaratos
Manuel Manquiña e Luis Zahera traen ao ciclo Falabaratos o seu espectáculo Monólogos inocentes. A función será no Teatro Principal o xoves 4 de abril, ás 21:00 horas. As entradas están á venda na billeteira do Teatro Principal (aberta de 18:00 a 21:00 horas de martes a sábado) e en entradas.novagaliciabanco.es a 8 euros (5 euros no anfiteatro).
CULTURA
"A fábúla galénica", "Frankenstein", "El Principito" e a RFG con Thomas Piel, programa de Infantil & Familiar para abril
O director-xerente do Auditorio de Galicia, José Víctor Carou presentou a programación do ciclo Infantil & Familiar para o mes de abril, composta polas obras A fábula galénica, Frankenstein, El Principito e un concerto da Real Filharmonía de Galicia con Thomas Piel. As funcións serán no Teatro Principal, excepto a clásica coa RFG, que será no Auditorio de Galicia. Todas as entradas están á venda na billeteira do Teatro Principal e nos medios habituais.
MEDIO AMBIENTE
O alcalde amósase partidario de manter a xestión pública do Refuxio de Bando si se asegura a súa viabilidade económica
O alcalde compostelán, Ángel Currás, e a concelleira de Medio Ambiente, María Pardo, visitaron o Refuxio de Animais de Bando, tras a reunión que recentemente mantiveran en Raxoi cos seus voluntarios. Inspeccionaron as instalacións e analizaron os seus principais problemas, que na actualidade pasan sobre todo polo seu financiamento.
XUVENTUDE
Comezan os cursos de xestión de redes sociais e fotografía da Concellería de Xuventude
A concelleira de Xuventude, Rebeca Domínguez, inaugurou no Centro Sociocultural de Santa Marta o curso Xestión eficaz das redes sociais. O venres 5 de abril arrincará tamén, neste caso no Centro Sociocultural e Xuvenil Municipal do Ensanche, outra das accións formativas organizadas pola Concellería de Xuventude, o curso Fotografía en acción.
EMPREGO
O paro descendeu un 1,12% en Santiago de Compostela no mes de marzo
No mes de marzo, o número de persoas paradas en Santiago descendeu en 111 con respecto ao mes de febreiro, segundo os datos do Ministerio de Emprego. Esta cifra supón un descenso do 1,12% respecto ao mes anterior, unha baixada que supera tanto as cifras que houbo en Galicia, onde o descenso medio foi do 0,56%, coma no conxunto de España, onde a baixada foi do 0,1%.
CULTURA
Teatro clásico e contemporáneo en abril
O director-xerente do Auditorio de Galicia, José Víctor Carou presentou a programación de teatro do mes de abril, acompañado por Fran Godón e Nelson Quinteiro. O calendario inclúe catro obras: Faust box, Master class cabaret, Bodas de Sangre e Snaquizados.
URBANISMO
A reurbanización da rúa de San Pedro colocará a calzada e as máis amplas beirarrúas ao mesmo nivel
Os concelleiros de Urbanismo, María Pardo, e da Brigada de Vías e Obras, Juan de la Fuente, presentaron o proxecto de reurbanización da rúa de San Pedro, para o tramo comprendido entre a Porta do Camiño e a praza de San Pedro. A obra contempla como principais novidades a situación da calzada e das beirarrúas nunha sección única, limitando o ancho da primeira e ampliando o espazo para o tránsito peonil.
ALCALDÍA
Ángel Currás escoitou as principais demandas do CEIP López Ferreiro
O alcalde compostelán, Ángel Currás, reuniuse en Raxoi con director do CEIP López Ferreiro, Lois Trigo. No encontro tamén participou a concelleira de Educación, María Castelao.
CULTURA
Pradairo presenta "Pateado" en Sons’13
O ciclo Sons’13 trae ao Teatro Principal a Pradairo, que presentarán o seu traballo Pateado o sábado 6 de abril ás 20:30 horas. As entradas, a 5 euros, están á venda na billeteira do propio recinto do concerto, aberta de martes a sábado, máis os días de evento, de 18:00 a 21:00 horas.