CULTURA
"Une nouvelle amie", de François Ozon, inaugura a 28ª edición de Cineuropa
A 28ª edición de Cineuropa arranca este domingo cargada de cinema de calidade que se poderá ver na cidade ata o día 30 de novembro. Serán un total de 222 películas no Teatro Principal, Salón Teatro, CGAC e Afundación de Abanca. Na primeira xornada do festival xa se exhibirán 11 deses filmes, entre os que destaca a película inaugural, Une nouvelle amie, de François Ozon, incluída na Sección Oficial do festival. Será ás 19:30 horas no Teatro Principal, nunha proxección de balde...
ALCALDÍA
Un Plan Director básico definirá as características e fases de execución da nova estación intermodal
O alcalde de Santiago, Agustín Hernández, e a ministra de Fomento, Ana Pastor, mantiveron unha reunión en Raxoi na que acordaron realizar un estudio funcional da estación para definir un proxecto viable.
PLENO
O Pleno aproba o investimento de 1,2 millóns de euros de remanentes nun plan de actuacións urxentes e sustentables na cidade
O Pleno da Corporación, en sesión extraordinaria, aprobou inicialmente a amortización anticipada de débeda e o financiamento de investimentos con cargo ao remanente líquido de tesourería. Deste xeito, porase en marcha un plan de choque de actuacións sustentables e urxentes na cidade, por importe de 1,27 millóns de euros. Trátase dunha cantidade procedente do remanente de 5,2 millóns de euros dos orzamentos de 2013. O resto, algo máis de 4 millóns de euros, destinarase a amortizar débeda.
ALCALDÍA
O alcalde destaca os efectos positivos da rehabilitación na recuperación do patrimonio e no conxunto da economía do país
O alcalde de Santiago, Agustín Hernández, inaugurou no Museo do Pobo Galego as II Xornadas de Rehabilitación en Madeira, "20 anos de rehabilitación en Galicia", nas que se aborda a rehabilitación neste eido en Santiago e Allariz. As sesión están organizadas polo Clúster da Madeira de Galicia (CMA).
CENTROS SOCIOCULTURAIS
Nova edición da Festa das Cabazas e do magosto veciñal no barrio de Conxo
Un ano máis, a Coordinadora de Festas Tradicionais do Barrio de Conxo, integrada pola Asociación de Veciños Conxo Aberto, a Asociación de Comerciantes Espertaconxo, a Asociación de Música Tradicional de Conxo e o Centro Sociocultural de Conxo organiza este sábado 8 de novembro a terceira edición da Festa das Cabazas, que de novo contará cun magosto ao que están convidados non só os veciños e veciñas de Conxo, senón de toda Compostela.
ALCALDÍA
Agustín Hernández reivindica o importante labor realizado na cidade en materia de patoloxías óseas e traumatoloxía
O alcalde de Santiago, Agustín Hernández, inaugurou no Auditorio Abanca o XIX Congreso Nacional da SEIOMM (Sociedade Española de Investigación Ósea e do Metabolismo Mineral), que se celebra en Santiago do 5 ao 7 de novembro. Este encontro, que reúne prestixiosos especialistas nacionais e internacionais, pretende unha posta ao día dos avances científicos máis recentes e mellorar a práctica clínica e científica na investigación ósea e o metabolismo mineral.
IGUALDADE
Premios á introdución da perspectiva de xénero na docencia e na investigación
A concelleira de Servizos Sociais, María Corral, participou no Salón de Graos de San Xerome no acto de entrega dos Premios á introdución da perspectiva de xénero na docencia e na investigación.
ALCALDÍA
Agustín Hernández resalta o secular papel de Santiago de Compostela na creación dunha conciencia común europea
O alcalde de Santiago, Agustín Hernández, recibiu os participantes na Asemblea Xeral da Conferencia de Asembleas Lexislativa Rexionais de Europa (CALRE), da que forman parte oito países da Unión Europea: Bélxica, Alemaña, Italia, Austria, Portugal, Reino Unido, Finlandia e España). Este venres, o rexedor municipal asistirá tamén no Parlamento á inauguración da Asemblea.
CULTURA
Guitar Crusher abre Cineuropa Concerto
Un par de días antes de que comecen as proxeccións de Cineuropa, iníciase xa o Cineuropa Concerto con Guitar Crusher, considerado un dos últimos bluesman auténticos. Será este venres 7 de novembro, ás 21:30 horas, na Sala Capitol e enmarcado ademais no ciclo Blues Nite by 1906. As entradas poden mercarse no despacho de billetes do Principal, en entradas.abanca.com, no 902 434 443, en A Reixa Tenda ou na propia Sala Capitol a un prezo de 12 euros anticipada e 15 euros o día do concerto.
CULTURA
O Auditorio de Galicia acolle o VIII Certame Galego de Bandas de Música
O sábado 15 e o domingo 16 de novembro, o Auditorio de Galicia acollerá o VIIII Certame Galego de Bandas de Música, organizado pola Federación Galega de Bandas de Música Populares (FGBMP). No evento participarán 11 bandas e uns 500 músicos procedentes de diferentes partes de Galicia.