Noticias

A concelleira de Educación, Mercedes Rosón, visitou os rapaces e rapazas que están a participar no programa de conciliación familiar preparado para esta Semana Santa. Os escolares interveñen en diversos obradoiros e actividades didácticas, que continuarán ata o 3 de abril.

Nun Pleno extraordinario convocado ao efecto, a Corporación municipal aprobou por unanimidade unha declaración institucional en defensa da Universidade de Santiago e da titulación de Medicina.

O Consello de Administración de Emuvissa, presidido polo alcalde compostelán, Xosé A. Sánchez Bugallo, acordou formular as súas contas anuais correspondentes ao exercicio do 2009. A sociedade presentou un resultado final, despois de impostos, cun beneficio de 394.457,34 euros.

O alcalde compostelán, Xosé A. Sánchez Bugallo, presidiu o acto polo que se constituíu o órgano que canalizará as suxestións e peticións das asociacións de veciños do ámbito norte da cidade, sobre o que actuará o proxecto Urbana, financiado con fondos europeos.

O xoves 1 de abril porase en marcha no estacionamento de Xoán XXIII un estacionamento para bicicletas privadas e unha consigna para mochilas. Así se acordou no último Consello de Administración da Sociedade Municipal de Xestión do Transporte Urbano (TUSSA), que pechou o exercicio 2009 cun resultado positivo de 12.915 euros.

A cidade será escenario o 8 e 9 de abril da constitución e primeira xornada de traballo do comité directivo do proxecto Parques Urbanos Atlánticos-ParkAtlantic, pertencente ao programa INTERREG-UV B Cooperación Transnacional do Espazo Atlántico. Este proxecto está liderado pola Concellaría de Medio Ambiente e nel participan como parceiros a Mairie d’ Angers (Francia); Mid-West Regional Authority (MWRA areas of Counties Clare, Limerick & North Tipperary and Limerick City) (Irlanda); Communauté...

Mostrarlle ao público as considerables achegas das mulleres á ciencia da Astronomía ao longo da historia. Este é o principal obxecto da mostra Con A de astrónomas. Unha visión do Cosmos na fin do camiño das estrelas, que permanecerá no Colexio de Fonseca ata o 29 de abril.

o alcalde compostelán, Xosé A. Sánchez Bugallo, insistiu en que a Universidade de Santiago debe avanzar en dúas dirección: a defensa da Facultade de Medicina e en seguir potenciando o seu perfil investigador. Neste sentido, referendou en rolda de prensa o apoio municipal á institución académica, "capital fundamental da cidade".

Catro persoeiros da máxima relevancia científica no ámbito internacional visitarán en datas próximas a cidade de Compostela para participar na quinta edición do Programa ConCiencia, que organizan o Consorcio e a Universidade de Santiago. Trátase do Premio Nobel de Física 2007 Albert Fert, do Nobel de Química en 1996 Harold W. Kroto e do Nobel de Medicina en 1993 Richard J. Roberts. Falta confirmar o cuarto científico convidado, que visitaría Santiago logo do verán.

A gastronomía galega está de moda. A televisión pública británica BBC grabará "Rick Stein’s Spain", unha serie de catro capítulos dunha hora de duración sobre a gastronomía española, onde os produtos e pratos galegos terán un lugar destacado. Por decisión do cociñeiro e condutor do programa, Rick Stein, a serie comezará e terminará con imaxes de Santiago de Compostela e da súa gastronomía. A rodaxe da BBC en Santiago conta coa colaboración da Santiago de...