PROMOCIÓN ECONÓMICA
Promoción Económica e Caixa Galicia ofrecen formación e asesoramento a emprendedores
Abriuse o prazo de inscrición para a segunda edición do curso gratuíto Como elaborar un plan de empresa para solicitar un microcrédito. Esta acción formativa enmárcase no programa de fomento do emprendemento Compostela Activa, que depende do Servizo de Apoio á Empresa que ofrece Promoción Económica.
MOBILIDADE
A zona sur contará cun aparcadoiro de borde para 400 prazas en Santa Marta
O alcalde compostelán, Xosé A. Sánchez Bugallo, anunciou que a Sociedade Municipal de Xestión do Transporte Urbano (TUSSA) farase cargo dunha parcela en Santa Marta para convertela nun aparcadoiro de borde. Así se informou esta mañá ao Consello de Administración da entidade, que xestionará unha bolsa de estacionamento moi ben comunicada e atendida por catro liñas do transporte urbano.
ALCALDÍA
O alcalde avoga polo mantemento dunha representación ao máximo nivel no Comité de Rutas que asegure a súa operatividade
O alcalde compostelán, Xosé A. Sánchez Bugallo, asistiu á constitución do Comité de Desenvolvemento de Rutas Aéreas de Galicia, constituído por representantes do Ministerio de Fomento, a Xunta de Galicia, os concellos da Coruña, Santiago e Vigo e organizacións empresariais. Tras a mesma, en rolda de prensa, saudou a iniciativa e anunciou que se abriu un prazo de dúas semanas para facer chegar as consideracións oportunas sobre este Comité, incluído o seu funcionamento interno.
