Noticias

O concelleiro de Promoción Económica e Turismo de Santiago, Xosé Manuel Iglesias, fixo unha primeira valoración dos resultados turísticos dos meses de xullo e agosto en Santiago. O concelleiro apuntou que a cidade ocupou nos meses de verán as primeiras posicións estatais no sector turístico, facendo referencia aos datos do INE e de OCUPATUR, un estudo elaborado polo Instituto de Estudios Turísticos, do Ministerio de Industria, Turismo e Comercio, que analiza a porcentaxe de ocupación no mes de agosto.

O rexedor compostelán, Xosé A. Sánchez Bugallo, apostou, na súa rolda habitual dos venres, pola creación dun organismo único de xestión que se encargue dos tres aeroportos galegos e no que estén implicados o Ministerio de Fomento, a Xunta de Galicia, os concellos e a sociedade civil.

O alcalde compostelán, Xosé A. Sánchez Bugallo, recibiu esta mañá no Pazo de Raxoi, acompañado por membros da Corporación, os participantes nas XXXII Xornadas sobre Desenvolvemento de habilidades nos Colexios Maiores no marco do Plan Bolonia.

O alcalde compostelán, Xosé A. Sánchez Bugallo, recibiu esta mañá no Pazo de Raxoi, o novo presidente do Tribunal Superior de Xustiza de Galicia, Miguel Ángel Cadenas Sobreira, despois da súa toma de posesión, quen invitou o rexedor a participar nas VI Xornadas Nacionais de Xustiza e Comunicación que se celebrarán en novembro.

O alcalde compostelán, Xosé A.Sánchez Bugallo, deu o pistoletazo de saída á 10th International Conference on Textbooks and Educational Media (Décimo Congreso Internacional de Libros de Texto e de Educación multimedia) que ata o próximo día 5 de setembro desenvolverá as súas sesións de traballo no Auditorio de Galicia.Na sesión inaugural tamén participou a concelleira de Educación, o reitor da USC, o conselleiro de Educación, e o director do Instituto de Formación del...

Socorro García Conde e máis Paulo Rodríguez presentaron esta mañá na Casa do Concello a programación cultural para este mes de setembro, na que destaca especialmente os concertos do X Ciclo de Lied. Ademais, haberá lugar para teatro, a danza, exposicións e as actividades das semanas culturais dos centros socioculturais de Conxo e A Rocha.

Turismo de Santiago, co obxectivo de prestar un servizo de información turística máis áxil e eficaz, puxo en funcionamento un ano máis a un grupo de voluntarios, denominado "Chaquetas Vermellas" polo seu vistoso uniforme, que estivo en funcionamento na temporada alta turística. O programa conta coa colaboración do Consello Social e o Servizo de Participación e Integración Universitaria da USC.

A concelleira de Educación, Mercedes Rosón, visitou esta mañá os colexios nos que se vai celebrar a oitava edición da Escola Municación de Verán na súa convocatoria de setembro con motivo do inicio das actividades. Nestas xornadas previas ao comezo do curso escolar, preto de 300 rapaces por día terán a oportunidade de participar nun programa cunha completa oferta lúdica e educativa. Será os días 2, 3, 4, 7, 8 e 9 de setembro nos colexios López Ferreiro, Pío XII, Fontiñas e Colexiata...

O 'Ciclo de Lied de Santiago de Compostela' achegará un ano máis ao Teatro Principal o xénero musical xermánico. Esta mañá foi presentada na Casa do Concello a programación deste ciclo, que como cada ano estará composto por catro concertos e unha conferencia explicativa. No acto estiveron presentes Socorro García, concelleira de Cultura e Centros Socioculturais, Ignacio Santos, director xerente da S.A. de Xestión do Plan Xacobeo, e Víctor Carou, presidente da Asociación Lírica Galega.

O alcalde compostelán, Xosé A. Sánchez Bugallo, convocou esta mañá no Pazo de Raxoi a representantes da Cámara de Comercio, da Asociación de Hostelería de Santiago e da Asociación de Empresarios do Polígono do Tambre, para abordar a situación do aeroporto de Lavacolla. Na reunión tamén estivo presente o concelleiro de Turismo, Xosé Manuel Iglesias.