NORMALIZACIÓN LINGÜÍSTICA
A Festa das Letras pechou unha semana chea de actividades en prol da lingua galega
O parque de Galeras acolleu a Festa das Letras, con motivo da celebración do Día das Letras Galegas, este ano 2008 dedicado a Xosé Mª Álvarez Blázquez. Pechábase así un completo calendario de actividades organizado pola Concellería de Educación en prol da lingua galega e da nosa literatura.
ORZAMENTOS
Os orzamentos de 2008 incrementan a capacidade de investimento ata os 30 millóns de euros
O alcalde compostelán, Xosé A. Sánchez Bugallo; o tenente de alcalde, Néstor Rego; e o concelleiro de Facenda e Orzamentos, Andrés Fariña, presentaron o acordo de orzamentos para 2008. A cifra final de gasto sitúase nos 115.714.451 euros, unha cifra semellante á de 2007, pero cunha maior capacidade de investimento grazas ao saneamento das contas municipais.
ALCALDÍA
O Concello prevé construír tres novas escolas municipais
Despois de visitar a Escola Municipal de San Roque, o alcalde compostelán, Xosé A. Sánchez Bugallo, anunciou que, aberta esta e as do Polígono do Tambre e da praza da Constitución, o Concello ten prevista a construción de tres novas escolas municipais. Estas situaríanse no Castiñeiriño, en Santa Marta e na parte norte da cidade.
ALCALDÍA
Santiago terá listo o seu Plan Estratéxico á volta do verán
Rematado o traballo do PXOM, a seguinte gran tema entre as prioridades do Concello será ter listo o Plan Estratéxico. Así o anunciou o alcalde, Xosé A. Sánchez Bugallo, quen apuntou que á volta do verán estará listo o Plan, cuxo documento de conclusións xa foi presentado.
CULTURA
Preséntase "Os peregrinos invisíbeis", primeiro disco dos sete que conforman a colección Órganos de Compostela
O Pazo de Raxoi acolleu a presentación do primeiro disco da colección Órganos de Compostela, que vai incluír un total de sete obras, unha por cada órgano histórico da cidade. Os peregrinos invisíbeis foi gravado no órgano da Igrexa da Universidade e interpretado polo francés Bruno Forst.
ALCALDÍA
As linguas minoritarias reivindican o seu espazo na prensa internacional
O alcalde compostelán, Xosé A. Sánchez Bugallo, recibiu aos participantes na Conferencia Internacional de Diarios en Linguas Minoritarias e Multilingüismo na Unión Europea, que se celebra en Santiago do 15 ao 17 de maio.
COMERCIO
Un programa de Promoción Económica permite a empresas e comercios obter descontos en publicidade
A Concellaría de Promoción Económica, Emprego, Comercio e Turismo, acaba de subir á súa páxina web www.maiscompostela.org o Protocolo de adhesión ao convenio marco para a execución do programa de acceso á comunicación e publicidade destinado ao sector comercial/empresarial do Concello de Santiago.
URBANISMO
A concelleira de Urbanismo destaca o nivel de concreción e detalle do documento final do PXOM
O Pleno municipal aprobou, cos votos favorables do Grupo de Goberno e a abstención do PP, o documento coas propostas de cumprimentación da Orde da Consellería de Política Territorial, Obras Públicas e Transportes do 3 de outubro de 2007 sobre o Plan Xeral de Ordenación Municipal (PXOM). Pouco despois, a concelleira de Urbanismo, Mercedes Rosón, valorou este documento, do que destacou o seu nivel de concreción e detalle.
ALCALDÍA
Silencio no Obradoiro en repulsa contra o terrorismo
A praza do Obradoiro acolleu unha concentración silenciosa de repulsa contra o último atentado perpetrado pola banda terrorista ETA na localidade alavesa de Legutiano. O mesmo custou a vida ao garda civil José Manuel Piñuel Villalón e causou feridas a outros catro compañeiros e compañeiras.
CULTURA
Mayumana trae o seu novo espectáculo a Santiago
Mayumana ofrecerá un espectáculo no Multiusos Fontes do Sar o 13 de xuño. A agrupación israelí, que presentará o seu novo espectáculo Be!, é a compañía de danza que máis entradas ten vendido en España, con máis dun millón.