CULTURA
Euloxio Ruibal protagoniza o primeiro dos Roteiros Literarios de Compostela
A Concellaría de Cultura e Centros Socioculturais e a Asociación de Escritores en Lingua Galega poñen en marcha unha nova actividade en Compostela que, baixo o título de Roteiros Literarios, consiste nun paseo acompañado dun escritor que fará diversas paradas en sitios emblemáticos onde se lerán ou recitarán diferentes textos. O primeiro dos roteiros celebrarase o martes 14 de xuño con Euloxio Ruibal, para continuar o 28 deste mes con Marilar Aleixandre. No mes de agosto haberá dous novos roteiros.
PARTICIPACIÓN CIDADÁ
Recoñecemento ás nenas e nenos solidarios
O alcalde en funcións, Xosé A. Sánchez Bugallo, presidiu a entrega de diplomas aos nenos e nenas que participaron no pasado Nadal Solidario, proxecto organizado pola Concellería de Participación Cidadá. Asistiu tamén a titular en funcións deste departamento, Guadalupe Rodríguez.
ALCALDÍA
Publícanse na web do Concello as contas municipais do exercicio 2010
A páxina web municipal inclúe xa un enlace específico na súa portada dende o que se poden consultar as contas municipais correspondentes ao exercicio 2010.
ALCALDÍA
Xosé A. Sánchez Bugallo despediuse do Valedor do Pobo, Benigno López
O alcalde en funcións, Xosé A. Sánchez Bugallo, reuniuse co Valedor do Pobo, Benigno López.
CULTURA
A gala internacional "Campo de estrelas" pon punto e final a Compostela Máxica 2011
A V Semana Internacional do Ilusionismo Compostela Máxica 2011, organizada pola Concellaría de Cultura, despídese esta fin de semana coa celebración da gran gala "Campo de estrelas", que reunirá os mellores ilusionistas do panorama internacional. O Auditorio de Galicia acollerá o sábado e domingo a partir das 21:00 horas as actuacións dos ilusionistas franceses Norbert Ferré, Erik Lantine&Valerie e Jerome Murat, do catalán Charlie Mag e do galego Mago Vituco.
CONSORCIO
O exemplo da Sagrada Familia, protagonista na primeira xornada do ciclo de conferencias sobre o Plan Director da Catedral
O luns 13 de xuño arrinca o ciclo de conferencias organizado con motivo da presentación do Plan Director da Catedral de Santiago. Na primeira xornada estará presente o arquitecto Jordi Faulí i Oller (Barcelona, 1959), que forma parte do actual equipo construtor da Sagrada Familia de Barcelona, dirixido por Jordi Bonet.
ALCALDÍA
Santiago acolle o Nobel de Medicina de 1993
O alcalde compostelán en funcións, Xosé A. Sánchez Bugallo, recibiu no Pazo de Raxoi ao Premio Nobel de Medicina en 1993, sir Richard Roberts, que se atopa en Santiago con motivo da sexta edición do Programa ConCiencia, organizado polo Consorcio da cidade e a USC.
SEGURIDADE CIDADÁ
O Concello concedeu máis de 3.300 tarxetas de aparcamento para residentes desde a posta en marcha da ordenanza
A concelleira de Circulación Viaria e Seguridade Cidadá en funcións, Marta Álvarez-Santullano, fixo balance en rolda de prensa da solicitude e concesión de tarxetas de residentes dende que entrou en vigor a ordenanza que as regula. En total, foron solicitadas 3.709 das que se concederon 3.303.
XUVENTUDE
Unha mostra fotográfica narra a peregrinación 6MPasos de Andrés Fraga e Juan Rivas "Coru"
As imaxes retratan unha viaxe a pé por Europa durante sete meses, percorrendo 6.000 kilómetros por once países diferentes. A exposición, que foi inaugurada polo alcalde en funcións, Xosé A. Sánchez Bugallo, e o concelleiro de Xuventude en funcións, Xosé Baqueiro, poderase ver ata o 25 de xuño na Galería Sargadelos de Santiago
CONSORCIO
O Consorcio e o Cabildo organizan un ciclo de conferencias e unha exposición divulgativa sobre o Plan Director da Catedral
O 800 Aniversario da consagración da Catedral de Santiago, que se conmemora este ano 2011, vai servir para poñer en valor o Plan Director da Catedral, o documento oficial que establece as pautas, condicións, custos e a programación das actuacións necesarias para a súa rehabilitación, e que, deste xeito, botará a andar de maneira definitiva.
