CULTURA
Os cataláns Mishima incorpóranse a Primavera Sound Touring Party en Santiago como substitutos de Antònia Font
O quinteto catalán Mishima actuará o domingo 24 de novembro na Sala Capitol de Santiago de Compostela como artista convidado en lugar dos mallorquinos Antònia Font, que finalmente non poderán participar na Primavera Sound Touring Party, segundo estaba previsto, por motivos de saúde do cantante da banda.
CULTURA
Primeiro pase de "Quai d’Orsay", premio FIPRESCI e mellor guión en San Sebastián, nunha nova xornada de Cineuropa
Continúa a programación diaria de Cineuropa e na xornada do mércores 13 poderemos ver un total de 12 filmes no Teatro Principal, Salón Teatro e CGAC. Entre eses filmes, pasarase a primeira función de Quai d’Orsay, o filme de Bertrand Tavernier que vén de gañar en San Sebastián o Premio FIPRESCI da crítica e o mellor guión. Ademais, teremos a última oportunidade para ver outro dos filmes premiados en San Sebastián: La Herida, de Fernando Franco, e Camille Claudel, 1915, de Bruno.../em>
EMPREGO
O Foro da Intermediación e o Emprego dará a coñecer as ofertas laborais da cidade e os servizos da Axencia Local de Colocación
Os días 28 e 29 de novembro, o Pazo de Congresos e Exposicións de Galicia acollerá a celebración do Foro de Intermediación e o Emprego (FIE). Así o anunciou en rolda de prensa a concelleira de Economía, Emprego, Comercio e Turismo, Reyes Leis, quen destacou que se trata dun "instrumento para dinamizar a economía local", e que se pon en marcha "co propósito de dar a coñecer as oportunidades de emprego, os requisitos e competencias que demanda o mercado laboral".
CENTROS SOCIOCULTURAIS
Intensa semana de actividades dentro do programa Compostela Cine Classics 2013
A programación do Compostela Cine Classics 2013, promovido pola Concellería de Centros Socioculturais, continúa esta semana con varias citas importantes: a exposición sobre os cines de Compostela, obradoiros, un faladoiro e a última proxección do ciclo.
FAMILIA
O Concello celebrará o Día do Neno cun pleno infantil, o "Cantajuego" e actividades para os máis pequenos
O Concello de Santiago súmase á celebración do Día Internacional dos Dereitos do Neno, o mércores 20 de novembro, cun pleno infantil previsto para ese mesmo día e cunha xornada de lecer previa o 16 de novembro, que terá como punto forte a presenza un ano máis en Santiago do Cantajuego.
ECONOMÍA
Ábrese a inscrición para os cursos de formación en colaboración cos empresarios do Polígono do Tambre
A Concellería de Economía abre a inscrición aos cursos de formación continua, que se deseñaron en colaboración cos empresarios do Polígono do Tambre. Os cursos ofertados para este ano 2013 son: Primeiros Auxilios, Renovación de Lexionela, Programación de Actividades Lúdicas, Xestión de Equipos de Traballo, Condutos de Carretas Elevadoras e Finanzas para non Financeiros.
CULTURA
Madeleine Peyroux, estrea do jazz e a world music, inaugura a programación do Auditorio Novagaliciabanco
Este martes, 12 de novembro, o Auditorio Novagaliciabanco do Preguntoiro acolle o concerto co que se pon en marcha o convenio que asinaron o Concello de Santiago e Novagaliciabanco para que este auditorio pase a formar parte da rede de espazos culturais do Concello. E será un concerto moi especial, xa que a súa protagonista é Madeleine Peyroux, unha das grandes voces da música contemporánea norteamericana. O concerto, enmarcado no ciclo Sons’13, será ás 21:00 horas.
CULTURA
Primeiros pases de "Camille Claudel 1915" e de "Jiaoyou (Stray dogs)" en Cineuropa
Na xornada do martes 12 en Cineuropa destacan dúas citas no Teatro Principal: os primeiros pases de Camille Claudel 1915 e de Jiaoyou (Stray dogs). Bruno Dumont, un clásico xa de Cineuropa, dirixe Camille Claudel 1915, interpretada por Juliette Binoche. Poderemos vela ás 21:45 horas. Xusto a continuación, ás 23:30 horas, chegará Jiaoyou (Stray dogs), de Tsai Ming-liang, Gran Premio do Xurado en Venecia.
ALCALDÍA
Acto de entrega da Medalla de Ouro de Galicia, a título póstumo, a Ceferino Díaz
O alcalde compostelán, Ángel Currás, asistiu no Parlamento de Galicia ao acto de entrega da Medalla de Ouro de Galicia, a título póstumo, ao ex deputado Ceferino Díaz Díaz.
ECONOMÍA
A I Conferencia Internacional de Experiencia do Cliente "Feeling Brands" analiza as claves para a diferenciación no século XXI
Arrancou en Santiago Feeling Brands, a I Conferencia Internacional de Experiencia do Cliente. Esta xornada pretende achegar aos profesionais, empresas e organizacións unha tendencia global e posicionar a Galicia no marketing de experiencias clave para a diferenciación no século XXI.