ALCALDÍA
Encontro de Martiño Noriega coa presidenta do Museo de Historia Natural
O alcalde de Santiago, Martiño Noriega, reuniuse en Raxoi coa directora do Museo de Historia Natural, María Isabel Fraga.
CONSORCIO
O Consorcio adxudica a intervención na igrexa do convento de Santa Clara
O Consorcio de Santiago acaba de adxudicar a intervención na igrexa do convento de Santa Clara á empresa Augasmestas Inversións do Rural, S.L. Co fin de eliminar as humidades que afectan ao templo, actuarase nas revocaduras, nas cubertas e no patio de acceso á igrexa. O importe global das obras, cun prazo de execución estimado de seis meses, ascende aos 108.334,18 euros.
ACCIÓN CULTURAL
Cantigas e Agarimos estrea en Compostela o seu novo espectáculo, "Balbino"
A concelleira de Acción Cultural, Branca Novoneyra; o director de Agadic, Jacobo Sutil, e Amparo Pérez, vicepresidenta de Cantigas e Agarimos, presentaron hai uns días na Casa do Concello Balbino, o novo espectáculo da Agrupación Folclórica que se estrea no Auditorio de Galicia este domingo 27 de decembro ás 20:00 horas. Na rolda participaron tamén Manuel Amenedo, de Ditea Teatro, e Conchi Viñas, da EASD Mestre Mateo, entidades que colaboran no espectáculo.
ESPAZOS CIDADÁNS
O Goberno municipal recolle as demandas veciñais cara a revisión do Plan Especial da Cidade Histórica de Santiago
O concelleiro de Espazos Cidadáns, Dereito á Vivenda e Mobilidade presidiu unha reunión con diferentes colectivos veciñais, profesionais e culturais, no marco do proceso de revisión do Plan Especial da Cidade Histórica. Jorge Duarte convocounos para escoitar as súas demandas cara o novo documento, e trasladárllas ao equipo redactor. Na xuntanza tamén participou o arquitecto municipal Javier Fernández, que será o responsable da xestión do novo Plan Especial.
COMERCIO
O Mercado de Nadal continúa na Praza de Abastos con 17 novos expositores
Dezasete novos postos formarán parte da seguinte quenda do mercado de Nadal, que se celebra na nave 5 da Praza de Abastos.
FESTAS
Segue aberta a inscrición para poder acompañar as carrozas da música infantil galega na Cabalgata de Reis
Os obradoiros para poder acompañar as carrozas musicais da Cabalgata de Reis deste Nadal en Santiago de Compostela comezarán xa a finais desta semana. Para poder participar, é necesario que tanto nenas e nenos como adultos interesados se inscriban poñéndose en contacto canto antes cos diferentes centros socioculturais do Concello onde se van impartir os obradoiros.
EDUCACIÓN E CIDADANÍA
O IES Eduardo Pondal gaña o programa para escolares Aula de Patrimonio co traballo "Compostela Intercultural e Patrimonial"
O IES Eduardo Pondal foi o elixido para representar aos centros de ensino de Educación Secundaria de Santiago no programa Aula de Patrimonio, organizado polo Grupo de Cidades Patrimonio da Humanidade de España.
DEPORTE
A San Silvestre deste 2015 terá a saída e a chegada na praza do Obradoiro
O Concello de Santiago organiza xunto coa Federación Galega de Atletismo a III Carreira San Silvestre de Santiago de Compostela, que terá lugar o vindeiro 31 de decembro ás 18:15 horas. Esta proba continúa co labor de concienciación da Concellaría de Deporte sobre os beneficios que a actividade física regular provoca na mellora da calidade de vida dos nosos cidadáns e cidadás.
BENESTAR ANIMAL
Xa hai gañadora do I Certame de Creación "Un animal non é un xoguete"
Ás portas do Nadal, a Concellaría de Mocidade e Benestar Animal puxo en marcha unha campaña de concienciación para que a cidadanía sexa responsable á hora de facer os seus agasallos. Baixo o lema "Un animal non é un xoguete", o cartel da campaña foi elixido nun certame de creación no que resultou gañadora Carlota Batallán.
NADAL
O Palacio de Congresos de Santiago acolle "Diver Nadal" do 26 ao 30 de decembro
O Palacio de Congresos e Exposicións de Santiago abre as súas portas do 26 ao 30 de decembro para ofrecer unha nova edición de Diver Nadal, un espazo onde as familias poderán gozar cos máis peques da casa (ata os 12 anos).