Noticias

O alcalde compostelán, Xosé A. Sánchez Bugallo, e Amelia Pereira Menaut, en representanción de Cáritas Diocesana de Santiago, asinaron esta mañá no Pazo de Raxoi un convenio de colaboración en virtude do cal a entidade municipal achega á ONG 35.00 euros para o desenvolvemento do programa de atención primaria.

Santiago de Compostela acolle desde hoxe e ata o 2 de outubro o XI Congreso Español de Sexoloxía e o V Encontro Iberoamericano de Profesionais da Sexoloxía. Os seus organizadores, como a presidenta da Federación Española de Sociedades de Sexoloxía (FESS), Miren Larrazábal, o presidente do Comité Organizador Local, o doutor Manuel Varela, o presidente do Comité Científico, Miguel Ángel Cueto, e o concelleiro Pedro Zerolo, foron recibidos esta mañá no Pazo de Raxoi polo alcalde compostelán.

A concelleira de Cultura e Centros Socioculturais, Socorro García Conde, e o director do Festival Internacional de Títeres Galicreques, Jorge Rey, presentaron esta mañá a a nova programación deste evento que cumpre xa 15 anos de vida e que nos que trouxo a Compostela máis de 300 compañías provintes de todo o mundo.

A concelleira de Facenda explicou a situación con motivo da prórroga orzamentaria, a liquidación do orzamento do 2009, a aprobación do PEF e a aprobación do orzamento para este ano.

Un pleno extraordinario que terá lugar mañá venres aprobará de forma definitiva o Plan Parcial que desenvolve o solo da Pulleira, tal e como explicou en rolda de prensa o alcalde compostelán, Xosé A. Sánchez Bugallo, acompañado da concelleira de Urbanismo, Mercedes Rosón.