IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio para condenar o asasinato dunha muller o pasado venres 29 de novembro na localidade de Iznájar (Córdoba), pero cualificado onte polo Goberno como violencia machista.
ACCIÓN CULTURAL
Jamila Purofilin celebra os 500 anos da Habana cun concerto no Teatro Principal
O Teatro Principal acolle mañá xoves, ás 20:30 horas un concerto de Jamila Purofilin, no que a cantante cubana renderá homenaxe á cidade da Habana no seu 500 aniversario. A entrada é libre.
ACCIÓN CULTURAL
O concurso Compostela Lírica busca novos talentos vocais esta fin de semana no Teatro Principal
O Teatro Principal acollerá o sábado 7 (17:00 h) e o domingo 8 de decembro (19:00 h) o II Concurso de Canto Compostela Lírica, organizado pola Asociación de Amigos da Ópera de Santiago e co apoio económico da Fundación José Otero-Carmela Martínez. A entrada a este certame de novos talentos é libre.
MEDIO AMBIENTE
O concelleiro Javier Fernández participa en Niza na reunión do proxecto europeo Tropa Verde, liderado por Santiago
O concelleiro de Barrios e Obras, Javier Fernández, está a participar na reunión do proxecto europeo Tropa Verde, que lidera Santiago de Compostela, e que se desenvolve ata mañá na cidade francesa de Niza. A xuntanza, na que participan os seis socios do proxecto, ten como obxectivo avaliar os avances na súa execución.
FESTAS
Mañá arrinca o Nadal en Compostela co acendido do alumeado e a apertura do Mercado de Nadal e do Belén de San Fiz
Mañá xoves, ás 19:00 horas, acenderase o alumeado de Nadal nun acto que terá lugar na praza do Obradoiro, coa asistencia do alcalde, Xosé Sánchez Bugallo, e doutros/as integrantes da Corporación. A continuación, estes/as visitarán o Mercado de Nadal de Carreira do Conde, aberto tamén dende mañá (12:00 horas).
IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio para condenar o último asasinato machista, acontecido este luns na localidade de El Prat de Llobregat (Barcelona).
FESTAS
Divernadal, proposta de lecer familiar para os días 6, 7 e 8 de decembro
O concelleiro de Festas, Gonzalo Muíños, presentou Divernadal, un espazo de lecer organizado polo Palacio de Congresos e Exposicións de Galicia que estará abertos os días 6, 7 e 8 de decembro. Xunto a el estivo Francisco González, responsable da empresa RGM Eventos, coordinadora da actividade.
ALCALDÍA
Paraugas de cores para reivindicar a diversidade e a inclusión con motivo do Día Internacional das Persoas con Discapacidade
Compostela sumouse este 3 de decembro á celebración do Día Internacional das Persoas con Discapacidade. Foi a través dun acto celebrado na praza do Obradoiro, baixo o lema "Baixo o mesmo paraugas. Galicia pola diversidade", no que se leu un manifesto reivindicativo dos dereitos das persoas con discapacidade.
ALCALDÍA
O ex-alcalde José Germán Fernández conta xa co seu retrato no Pazo de Raxoi
A Alcaldía de Santiago exhibe dende hoxe un novo retrato, o do ex-alcalde José Germán Fernández. O acto de recepción do cadro, presidido polo rexedor compostelán, Xosé Sánchez Bugallo, celebrouse no día no que se cumpren 83 anos do fusilamento do ex-alcalde en Boisaca (3 de decembro de 1936). O retrato é obra de Manuel Quintana Martelo, a partir dun debuxo de Camilo Díaz Baliño.
ECONOMÍA
Marta Abal explicou ao alumando de Economía do Xelmírez I o proceso de elaboración e aprobación dos orzamentos municipais
A concelleira de Economía e Facenda, Marta Abal, recibiu hoxe o alumnado do Xelmírez I que cursa a materia de Economía. No salón de plenos explicoulle o proceso de elaboración e aprobación dos orzamentos municipais e respondeu ás dúbidas dos e das estudantes. Durante a exposición sinalou que "unha actuación dun goberno non só pode ser prestar servizos. Tamén ten que realizar investimentos con independencia de que aí sempre necesites a colaboración doutras administracións".