ACCIÓN CULTURAL
"Xan Soldado", de Carlos Alba "Cellero", este domingo na Sala Agustín Magán
Este domingo poderemos ver na Sala Agustín Magán (CSC de Santa Marta) o espectáculo Xan Soldado en versión e interpretación de Carlos Alba "Cellero". Será a partir das 12:30 horas, cunha duración de 50 minutos, e está dirixido a nenos e nenas de 6 a 12 anos.
EDUCACIÓN E CIDADANÍA
Máis de 500 escolares participaron na primeira edición do Cineuropa Infantil
Escolares dos CEIPs Raíña Fabiola, López Ferreiro, Monte dos Postes, Lamas de Abade, Quiroga Palacios, Ramón Cabanillas e Pío XII, e dos colexios Santa Apolonia e Nosa Sra. dos Remedios participaron na primeira edición de Cineuropa Infantil, organizado polo Departamento de Educación e Cidadanía no marco da 30ª edición do festival Cineuropa.
ACCIÓN CULTURAL
Chema Prado recibiu o Premio Cineuropa
O alcalde de Santiago, Martiño Noriega, acompañado do director do festival Cineuropa, José Luis Losa, entregou o Premio Cineuropa a Chema Prado, quen fora director da Filmoteca Nacional, por unha vida entregada á preservación do cine.
EDUCACIÓN E CIDADANÍA
A Escola Municipal de Música uniuse á conmemoración do Día Internacional da Eliminación da Violencia contra as Mulleres
Este venres, a Escola Municipal de Música, da man do seu director, Fernando Rey, e do seu xefe de estudos, Guillermo Alzugaray, quixo sumarse á conmemoración do día Internacional da Eliminación da Violencia contra as Mulleres.
ALCALDÍA
O alcalde preside un pleno infantil con motivo do Día Universal do Neno
Medio cento de escolares de dous centros públicos de Compostela, López Ferreiro e Monte dos Postes, participaron esta mañá dun pleno infantil celebrado no Concello con motivo do Día Internacional dos Dereitos do Neno.
MOCIDADE
O programa "Metamorfose" achegará á mocidade hábitos de uso responsable dos recursos naturais
A concelleira de Mocidade, Noa Morales, acompañada de Diego Vázquez, do colectivo Barriopía, e de Bea Miranda, de Feitoría Verde, presentou esta mañá o programa de actividades Metamorfose: Mudando Hábitos, unha das propostas máis votadas no marco do proceso de orzamentos participativos do 2015.
ACCIÓN CULTURAL
Chema Prado recibe o Premio Cineuropa por unha vida de entrega ao cine
Este venres é o día escollido para entregarlle o Premio Cineuropa a Chema Prado, quen fora director da Filmoteca Nacional, por unha vida entregada á preservación do cine. A programación desta xornada tame´n inclúe o tradicional maratón e unha sesión especial en apoio á campaña En negro contra a violencia, coa proxección de filmes que abordan a problemática da violencia machista.
TURISMO
Santiago roza as 150.000 pernoctacións en outubro, cun crecemento do 13,16%
O número de pernoctacións nos establecementos hoteleiros de Santiago continúa a manterse nos niveis de récord que se alcanzaron no Ano Santo 2010, segundo os datos do INE. No mes de outubro contabilizáronse 148.928 pernoctacións totais, cun aumento do 13,16% respecto de outubro do ano pasado.
TURISMO
Santiago(é)tapas acolle as tapas gañadoras dos concursos dos concellos de Área Santiago
Os gañadores dos concursos de tapas e outros eventos gastronómicos dos Concellos que forman parte do grupo Área Santiago participarán de novo en Santiago(é)tapas, que se celebra ata o 4 de decembro, cociñando por un día en locais de Compostela que participan nesta edición do certame. Esta actividade enmárcase no Plan de Acción 2016 do Grupo Área Santiago e conta coa colaboración da Axencia de Turismo de Galicia.
CONVIVENCIA
A Policía Local realiza prácticas de autonomía urbana e educación viaria con Down Compostela
O Departamento de Educación Viaria da Policía Local realizará mañá unha xornada de prácticas de autonomía urbana e educación viaria en colaboración con Down Compostela. Na actividade participarán preto de 40 usuarios e usuarias da área de vida adulta da Fundación.