SEGURIDADE E MOBILIDADE
Detido un home en Compostela por agresión con arma branca
A Policía Local de Santiago de Compostela detivo o pasado sábado un home de 53 anos de nacionalidade marroquí como presunto autor dun delito de lesións tras agredir con arma branca a dous homes e unha muller na rúa Casas do Rego.
ALCALDÍA
Agustín Hernández salienta a "traxectoria de amor e sacrificio" das tres compostelás homenaxeadas con motivo do Día Internacional da Muller
O alcalde de Santiago, Agustín Hernández, presidiu os actos con motivo do Día Internacional da Muller. Entre estes figurou un acto de recoñecemento a tres mulleres compostelás: Dorinda Pedreira Santiso, Esperanza Castro García e Ruth Gómez Vázquez.
NORMALIZACIÓN LINGÜÍSTICA
Comeza a rodar o Conto Viaxeiro 2015
Logo de pechado o prazo para a inscrición dos centros de ensino interesados, o vindeiro martes 10 de marzo comeza a andaina o Conto viaxeiro 2015, iniciativa organizada pola Concellería de Normalización Lingüística.
ALCALDÍA
Máis de 4.000 persoas achegaron as súas fotos para compoñer un mural dedicado ás mulleres de Compostela
Co descubrimento dun mural fotográfico concluíu a campaña Mulleres, todas somos protagonistas, posta en marcha pola Concellería de Servizos Sociais con motivo do Día Internacional da Muller. O alcalde de Santiago, Agustín Hernández; a concelleira de Servizos Sociais, María Corral; e a conselleira de Sanidade, Rocío Mosquera, presidiron este acto na praza do Obradoiro, que contou coa presenza da actriz compostelá Nerea Barros.
ALCALDÍA
O alcalde destaca ante os axentes de viaxes a "ampla oferta turística, apta para múltiples segmentos", de Santiago de Compostela
O alcalde de Santiago, Agustín Hernández, asistiu no Palacio de Congresos á inauguración da VIII Convención de Axencias Asociadas Team Group. Ante os profesionais deste sector, reivindicou a ampla oferta turística de Compostela.
OBRAS E MOBILIDADE
Os traballos de mellora do firme continuarán por Fontiñas, Choupana e Castrón Douro
O Concello continúa os labores de asfaltado dos vieiros da cidade aproveitando o bo tempo que se espera para os vindeiros días. Unha vez rematadas as obras en Xeneral Pardiñas e Doutor Teixeiro, as seguintes rúas en ver renovado o seu firme serán Patio de Madres-Castrón Douro, a rúa Lisboa e a Choupana. Cómpre lembrar que os traballos afectarán ao tráfico de forma transitoria e realizaranse en horario diúrno porque as baixas temperaturas que se prevén alcanzar pola noite non permitirían que o firme...
COMERCIO
O CERSIA acolle o vindeiro xoves a conferencia "Plan de marketing para todos", impartida por Xosé Luís Reza
O vindeiro xoves 12 de marzo, ás 20:30 horas, celebrarase no edificio municipal CERSIA a conferencia "Plan de marketing para todos", dirixida a comercio, empresas, e demais axentes do tecido económico de Santiago. Está organizada pola Concellaría de Comercio en colaboración coa Asociación Galega de Marketing (Markea).
XUNTA DE GOBERNO
Case 500.000 euros para o novo campo de herba artificial de Conxo
A Xunta de Goberno iniciou o procedemento para contratar dúas obras que permitirán a reforma integral do campo de fútbol a carón do Psiquiátrico de Conxo. Ademais da súa conversión en campo de herba artificial, contémplanse unha remodelación das redes e servizos. Ambas intervencións supoñen un investimento total de 496.850 euros.
XUNTA DE GOBERNO
Hernández afirma que a reurbanización de Carretas permitirá a reconversión dunha rúa con tráfico para integrala na rede peonil do núcleo histórico
O alcalde de Santiago anunciou a adxudicación da obra de reurbanización da rúa Carretas, por un importe de 622.482 euros e un prazo de execución de cinco meses. Segundo explicou Agustín Hernández, esta actuación "vén a darlle resposta a unha vella demanda veciñal encamiñada á peonalización da rúa, permitindo só o acceso a residentes, mercadorías e servizos públicos".
XUNTA DE GOBERNO
A intervención en Santa Clara completará a reurbanización do ámbito da Almáciga
O Goberno local aprobou o proxecto para a mellora do acceso a zonas altas da Almáciga no ámbito de Santa Clara. Esta intervención, explicou o alcalde, Agustín Hernández, "dálle continuidade ao proxecto integral para a mellora desta zona norte da cidade, que ten actualmente en execución o tramo entre Basquiños e A Pastoriza, e en licitación o comprendido entre a praza da Paz e Basquiños".
