Noticias

O Concello de Santiago ven de poñer en marcha o II Concurso de Vídeo-Creación para centros de ensino, coa finalidade de achegar a toda a comunidade educativa argumentos positivos para o uso da lingua galega a través das canles e linguaxes que gozan de maior atracción nestes momentos, como é o caso do audiovisual.

A Concellería de Cultura continúa coas viaxes do programa Imos de excursión 2015. Desa vez ofrece unha proposta pensada para as familias, unha viaxe de tres días a Valladolid na que tanto pequenos coma maiores poderán gozar de diversas actividades culturais e de ocio.

Turismo de Santiago amosará Santiago a un grupo de directivos do Serviço Social de Comercio (SESC) do Estado brasileiro de Minas Gerais. Este grupo vén a Santiago coa intención de coñecer a cidade e estudar a súa inclusión nun novo circuíto turístico polo Norte de España para o público brasileiro.

Os centros socioculturais acollerán dúas sesións de contacontos para público infantil dentro da edición 2015 do Festival Internacional de Narración Oral Atlántica. Este certame desenvolverá un intenso programa de actividades en Santiago de Compostela do 12 ao 19 de marzo.

A irrupción de White Bats (Madrid, 2014) na escena indie provocou reaccións inmediatas e efusivas. O mundo estaba a esperar aos Morcegos Brancos e o seu impecable primeiro EP, White Bats. Poderemos escoitalos este xoves en Santiago dentro do ciclo Compostela Rock. Será na Zona C a partir das 20:30 horas nun concerto no que estarán acompañados do pop electrónico de Músculo!.

Xa está aberto o prazo para participar na 12ª edición de Curtocircuíto, Festival Internacional de Curtametraxes de Santiago de Compostela, que se celebrará do 6 ao 11 de outubro deste ano 2015.

A concelleira de Comercio, Reyes Leis, presentou en rolda de prensa a terceira edición do programa de dinamización comercial Estrea Estilo!. A iniciativa ten como obxectivo presentar, exhibir e vender as novas coleccións primavera-verán do pequeno comercio da cidade nunha xornada lúdica con múltiples atractivos e incentivos para os clientes e visitantes.

O alcalde de Santiago, Agustín Hernández, participou nunha visita á plantación do Bosque de Galicia xunto co presidente da Xunta, Alberto Núñez Feijóo. Durante o acto, destacou a función ecolóxica que a plantación vai xogar para as Brañas de Sar e para Santiago, así como a accesibilidade que permitirá ao Gaiás coa súa rede de camiños, integrando a contorna do complexo cultural na cidade.

O director-xerente do Auditorio de Galicia, José Víctor Carou, e Maximino Zumalave, presentaron o programa do VII Ciclo de Piano Ángel Brage que se celebra no Auditorio de Galicia dentro do seu programa de abono. O ciclo será inaugurado polo alemán Lars Vogt o 19 de marzo; o 24 de abril estará Herbert Schuch e pecharase o 14 de maio co debut en Compostela de Alexandre Tharaud. Todos os concertos serán ás 21:00 horas.

O alcalde de Santiago, Agustín Hernández, inaugurou unha nova edición das Xornadas Xosé Calviño, que se celebran no IES Arcebispo Xelmírez I. Nesta ocasión levaban por título "O reto do sector audiovisual e as súas necesidades formativas".