Noticias

O Centro de Interpretación Ambiental do Concello de Santiago (CIAC), acollerá o venres 12 de decembro, ás 18:00 horas, o sorteo das hortas urbanas municipais de Belvís de Abaixo.

Este mes de decembro, na sala de exposicións temporais do Centro de Interpretación Ambiental de Compostela (CIAC) rematará a exposición de fotografía InvestigaArte e abrirase a mostra Galicia, biodiversidade enmarcada no Ciclo Biodiversidade na cidade, dentro da cal se realizará o relatorio Algúns dos mamíferos que habitan na contorna de Compostela. E xa en datas de Nadal, haberá un obradoiro de fabricación de xoguetes con materiais de refugallo e un roteiro polas Brañas do Sar.

Cineuropa rematou o pasado domingo, 30 de novembro, a súa 28ª edición, unha das máis exitosas do festival. En total foron 29.500 persoas as que asistiron ás proxeccións, ás que hai que engadir as 3.400 que foron a Cineuropa Concerto, actividades entre as que tamén se atopaba a proxección dun filme de Chaplin, acompañado pola música en directo da Real Filharmonía de Galicia.

Esta semana hai dúas citas de interese dentro do programa Compostela Cine Classics 2104, organizado polo Departamento de Centros Socioculturais: un obradoiro para nenos e unha nova proxección no Centro Sociocultural de Santa Marta.

O Concello de Santiago promove neste Nadal a iniciativa A Árbore das Ilusións. Trátase de decorar entre todos e para todos a árbore de Nadal que se situará na praza Roxa. Peza por peza, búscase representar as ilusións e desexos dos veciños de Santiago, partindo da idea de que en moitas culturas a árbore é símbolo de unión e de historia colectiva.

Os ourensáns Il Maquinario Teatro presentan en Compostela a súa segunda produción, Perplexo, unha comedia de Marius von Mayenburg. Será este mércores 3 de decembro, ás 21:00 horas, no Teatro Principal, dentro do ciclo Teatro & Danza.

FEI, Factoría Escénica Internacional vén de comunicar a suspensión a partir da xira da súa obra teatral Las dos bandoleras, o cal implica a suspensión da representación prevista en Compostela o 18 de decembro, ás 21:00 horas, no Teatro Principal, dentro do ciclo Teatro & Danza. A compañía comunicou que toma esta decisión a causa do estado de xestación da protagonista da obra, Macarena Gómez, que por prescrición facultativa, debe gardar un repouso incompatible coa súa...

A concelleira de Turismo, Reyes Leis, participou este martes no Concello de Alcalá de Henares na Comisión de Turismo do Grupo de Cidades Patrimonio da Humanidade de España. Na reunión realizouse un repaso aos diferentes programas que se están desenvolvendo no último trimestre do ano no seo da Comisión, en cumprimento do Plan Operativo 2014.

A concelleira de Economía, Reyes Leis, e Esteban Vázquez, membro do Comité de Dirección do Cluster TIC, presentaron no Pazo de Raxoi a sexta edición de Getting Contacts en Santiago, que se celebrará o vindeiro 11 de decembro no Hotel AC Palacio del Carmen. Getting Contacts ten coma obxectivos fortalecer ás empresas locais e axudar aos emprendedores que están comezando no desenvolvemento do seu proxecto, facilitando os contactos e o networking, xerando novas oportunidades de negocio e abrindo as portas a novos...

A concelleira de Educación, María Corral, presentou o programa de educación viaria aXente Corrente. Este proxecto ofrecerá diferentes recursos para que os nenos e as nenas se transformen en "axentes protagonistas" da súa aprendizaxe como peóns. A proposta, realizada por Agasalle Contidos, inclúe un libro disco titulado aXente Corrente, Galo Mirindolo, actuacións musicais con pezas preparadas a tal efecto por Xoglares e outro tipo de accións para promover actitudes e valores arredor da educación...