Noticias

A terceira edición do proxecto Crear comezou a súa andaina de xeito enormemente positivo. Cando aínda non rematou o primeiro mes da súa posta en marcha, os seus responsables xestionaron a inserción profesional de quince usuarios nun emprego afín ás súas expectativas e capacidades.

A selección de Braga gañou a Copa Gallaecia tras impoñerse á de Porto por dous goles a cero. Os tantos foron marcados no segundo tempo por Óscar, no minuto 34, e por Orlando, cinco minutos despois.

O alcalde de Santiago, Xosé A. Sánchez Bugallo, e o presidente da Xunta, Emilio Pérez Touriño realizaron unha visita polos principais lugares de Compostela afectados polos incendios. Ámbolos dous escoitaron aos veciños de Villestro, de Figueiras e do Romaño, que coincidiron en apuntar a necesidade das concentracións parcelarias como medio para facilitar o non abandono do monte.

A penúltima xornada de "Feitoamán" presenta dúas propostas musicais que repiten: Leo Giannetto’s Jazz Project e Blues Vivo Afrocuncas. Tocarán, a partir das 22:30 horas, na Praza dos Gatos e na Praza de Feixoo, respectivamente.

Despois de dúas semanas de intensa actividade nas prazas do casco antigo compostelán, chega ao seu fin unha nova edición do Festival d’Gorra. Centos de cidadáns e visitantes participaron nos diversos espectáculos, que encheron de malabares, humor e moita participación catorce tardes do mes de agosto.

Penúltimo día do Festival d’Gorra, que aínda depara a novidade da actuación da compañía inglesa Chipolatas, que ofrecerá varios pases ao longo da fin de semana. Unha das últimas oportunidades para gozar na rúa deste evento, que está a congregar a centos de veciños e visitantes.

A Praza de Abastos combinou a música de Jordanairs coas mellores curtas galegas de todos os tempos nunha sesión á que asistiron unhas 300 persoas.

Dende a súa inauguración o 14 de xullo, máis de 50.000 persoas achegáronse ata Intramuros, unha mostra que recrea a vida relixiosa e a arte nos conventos de clausura de Santiago de Compostela. O Consorcio e o Concello de Santiago abriron no emblemático edificio do Banco de España esta mostra singular e única para conmemorar o XV aniversario da fundación do Real Padroado de Santiago.

O Auditorio de Galicia acolle o 23 e o 24 de agosto o VIII Pleno do Consello de Comunidades Galegas. Os representantes das 154 entidades do exterior coa galeguidade recoñecida están a debater sobre dous temas que afectan directamente aos galegos e galegas residentes no exterior: o seu papel no novo Estatuto de Autonomía e a reforma da Lei da Galeguidade.

Santiago de Compostela será a sede do I Congreso Internacional Gallaecia- Fútbol Base, que nesta primeira edición analizará e debaterá diferentes aspectos da práctica deportiva dos mozos e mozas. O acto enmárcase nos actos da Fase Final da Copa Gallaecia, que organizan conxuntamente a Fundación Compostela Deporte e a Federación Galega de Fútbol.