MEDIO AMBIENTE
O Concello de Santiago traballa nun novo Plan de acción para o clima e a enerxía sustentable
O obxectivo do plan é diminuír nun 40%, como mínimo, as emisións de gases de efecto invernadoiro de aquí a 2030 e está invitada a achegar propostas para mitigar o cambio climático toda a veciñanza de Santiago a través da páxina web http://santiagodecompostela.gal/paces/
ALCALDÍA
O alcalde de Santiago espera que as novas restriccións adoptadas pola Xunta "fructifiquen", ao tempo que lle pide compensacións para os sectores máis castigados
O alcalde de Santiago, Xosé Sánchez Bugallo, nunha primeira valoración das novas restriccións adoptadas pola Xunta de Galicia para doblar a curva epidemiolóxica de contaxios por covid-19, reitera o respecto por estas medidas, "e o acatamento e a vontade de cumprir e facer cumprir as directrices que emanan do Comité Clínico".
PROMOCIÓN ECONÓMICA
Comeza o plan formativo do programa de Mellora Empresarial da Economía Social, que ten como obxectivo dotar as cooperativas de servizos de apoio ante a actual crise
Hoxe comezou o plan formativo do programa de Mellora Empresarial da Economía Social, que desenvolve o Concello de Santiago e Espazo coop Unión de Cooperativas Galegas, co obxectivo de dotar ás cooperativas do municipio de servizos de apoio para superar a situación de crise económica creada pola pandemia da COVID19. Esta liña formativa impártese, ata o 15 de decembro, baixo o título "Dirixir en tempos de crise". Son 40 horas lectivas, nas que participan 27 persoas.