BENESTAR SOCIAL
A campaña "Hidráta-T" amosa aos maiores os beneficios dunha boa hidratación
A concelleira de Benestar, Paula Prado, visitou a residencia sociocomunitaria e centro de día da Porta do Camiño no marco da campaña Hidráta-T, unha acción tomada dende o Equipo de Dinamización Social Urbana Santiago Norte e que busca a prevención de problemas de deshidratación en persoas maiores, e que con accións como esta busca sensibilizar sobre a importancia de beber auga de xeito habitual.
URBANISMO
O Concello de Santiago externalizará a tramitación das sancións urbanísticas en prol dunha maior eficacia
A concelleira de Urbanismo, María Pardo, anunciou en rolda de prensa que o Concello vai recorrer á colaboración externa dunha empresa privada para reforzar as tarefas de disciplina urbanística, adxudicándolle a xestión das sancións neste ámbito. O principal obxectivo desta medida é favorecer a "eficacia" nesta materia, asegurando un maior nivel de cobro das sancións.
EDUCACIÓN
Matrícula para o curso 2012-2013 na Escola Municipal de Meixonfrío-Salgueiriños
Apertura do prazo de formalización de matrícula para o curso 2012-2013 na Escola Infantil Municipal de Meixonfrío-Salgueiriños.
