Noticias

A Real Filharmonía de Galicia (RFG) ofreceu un concerto este domingo no Kursaal de San Sebastián. A orquestra actuou xunto ao virtuoso pianista serbio Ivo Pogorelich, cuxas interpretacións causan sensación en todas as grandes salas de concertos do mundo: Estados Unidos, Canadá, Europa, Xapón, Sudamérica ou Israel. O encargado de levar a batuta foi o director titular da agrupación, o mestre Paul Daniel.

O 6 de xuño, a Concellería de Educación pechou o prazo de inscrición no Programa Municipal de Conciliación para o Verán 2015, que se desenvolverá no período das vacacións (xuño, xullo e setembro) nas instalacións dos CEIP As Fontiñas e Raíña Fabiola. O prazo de inscrición estará aberto ata o 6 de xuño.

A Real Filharmonía de Galicia celebra este domingo, ás 19:00 horas, un concerto no Kursaal de San Sebastián. Levará a batuta o director titular da agrupación, Paul Daniel.

A concelleira de Desenvolvemento Urbano Sostible en funcións, Teresa Gutiérrez, presentou en rolda de prensa as actividades que o Concello preparou con motivo da celebración do Día Mundial do Medio Ambiente. Logo desprazouse ata o río Sar para participar nunha limpeza de inertes.

Iníciase o mes de xuño cunha nova sesión do programa Imos ao baile. Será este sábado, na Casa das Asociacións de Cornes (rúa Manuel Beiras, 3) a partir das 17:00 horas.

Este sábado 6 de xuño, ás 20:00 horas, a Banda Municipal de Música ofrecerá un concerto especial con motivo das festas do barrio de San Martiño Pinario. A agrupación estará acompañada polo prolífico compositor e pianista de jazz Abe Rábade como solista.

A Xunta de Goberno, na súa sesión ordinaria deste venres, concedeu a licenza á Consellería de Medio Ambiente, Territorio e Infraestruturas para a construción do aparcadoiro disuasorio de Pontepedriña. Estas obras teñen un orzamento de execución material de 695.202 euros e permitirán o acondicionamento de dúas zonas de dúas zonas debaixo do viaduto do ferrocarril de Cornes como estacionamento público.

Deuse conta na Xunta de Goberno da sinatura de 14 convenios culturais por un importe total de 50.380 euros. Ademais, aprobouse o texto de colaboración cultural coa Consellería de Cultura, Educación e Ordenación Universitaria para financiar diversas actividades culturais, cunha asignación de 250.000 euros.

A Xunta de Goberno acordou deixar deserto o procedemento aberto convocado para a licitación do servizo de deseño, produción montaxe e realización dos espectáculos nocturnos do 24 e do 31 de xullo, dentro das Festas do Apóstolo 2015. Polo mesmo, abriu un procedemento negociado sen publicidade coas cinco empresas que se presentaran ao concurso aberto.

O Goberno local en funcións acordou a concesión de 10 subvencións a empresas privadas para o financiamento de bolsas para o acceso a persoal especializado como vía de mellora da competitividade, dentro da convocatoria do ano 2015, que conta cunha achega económica de 135.000 euros.