XUNTA DE GOBERNO
A Xunta de Goberno Local aproba novos convenios con entidades sociais
A Xunta de Goberno aprobou hoxe convenios con diversas asociacións e entidades de carácter social, aos que se destinarán un total de 257.000 euros. Estes convenios súmanse aos aprobados na sesión da semana pasada, que beneficiarán a un total de 16 asociacións e entidades de carácter social, por un importen total de 249.500 euros.
FACENDA
Os Orzamentos Participativos rexistran preto de 260 propostas de investimentos
Rematado o prazo de presentación de propostas de investimentos, a web Compostela Decide rexistrou un total de 258 propostas para as áreas de cidade, rural, sueste e nordeste. No que respecta á área de mocidade, admitíronse, polo de agora, 16 propostas para actividades dirixidas á mocidade (entre 16 e 35 anos). O prazo para propoñer nesta área continúa aberto ata o 6 de outubro.
MOBILIDADE
O "Parking Day" abre as actividades da Semana da Mobilidade en Compostela
Hoxe comezan as actividades coas que o Concello de Santiago se suma á celebración da Semana Europea da Mobilidade, en colaboración con entidades como Greenpeace, Composcleta ou Cogami.
ALCALDÍA
Martiño Noriega pronunciará este venres o pregón das festas de Oviedo
O alcalde de Santiago, Martiño Noriega, será mañá o pregoeiro das festas grandes de Oviedo, as de San Mateo. O rexedor compostelán foi o elixido polo Goberno ovetense co obxectivo de potenciar a presenza desa cidade no ámbito do Camiño de Santiago.
ALCALDÍA E EDUCACIÓN
O alcalde recibe o alumnado do Instituto Santiago Apóstolo de Bos Aires
O alcalde de Santiago, Martiño Noriega, e o concelleiro de Educación, Manuel Dios, recibiron este mediodía no Pazo de Raxoi o alumnado da VIII Promoción do Instituto Santiago Apóstolo de Bos Aires. Os rapaces chegaron onte a Galicia na súa viaxe de fin de curso e visitarán a nosa comunidade ata o próximo día 29.
ESPAZOS CIDADÁNS E ACCIÓN CULTURAL
O Matadoiro Compostela énchese de actividades nos vindeiros días
O Matadoiro Compostela empeza a consolidarse como espazo para diferentes actividades culturais e artísticas, e a súa axenda para os próximos días está chea de propostas ben dispares. Un espazo fotográfico, a Casa dos Nenos ou unha verbena veciñal configuran a oferta.
EDUCACIÓN E CIDADANÍA
O pedagogo Francesco Tonucci visitará a cidade o próximo 23 de setembro
O concelleiro de Educación e Cidadanía, Manuel Dios, presentou esta mañá as actividades que organiza o Departamento de Educación e Cidadanía co gallo da visita do pedagogo italiano Francesco Tonucci. Estivo acompañado de Antón Costa, catedrático da Universidade de Santiago e escritor do limiar do libro de Tonucci A cidade dos nenos.
DEPORTE
Compostela acolle a última proba do Campionato de España de Enduro
A cidade acolle esta fin de semana a última proba do Campionato de España de Enduro, organizada polo club Móvete na Moto en colaboración co Concello. As probas comezarán mañá venres ás 19:00 horas co Super Test no Estadio de San Lázaro e continuarán o sábado e domingo, ás 9:00 horas, coa saída das carreiras.
PLENO
A Corporación insta ao Estado a implicarse no financiamento do transporte urbano colectivo
O Pleno da Corporación municipal acordou hoxe instar á Administración central do Estado a ter unha maior implicación no financiamento do transporte urbano colectivo e a tramitar unha Lei de financiamento de transporte público, que inclúa a participación de todos os niveis de goberno, en coherencia coas recomendacións da Unión Europea.
DEPORTE
Este venres remata o prazo para anotarse na CorreSan Monte do Pedroso, que conta xa con case 600 persoas inscritas
O V Circuíto de Carreiras Saudables CorreSan continúa esta fin de semana coa celebración da carreira polo Monte Pedroso o domingo 18 de setembro. O concelleiro de Deporte, Rafael Peña, presentou a proba en rolda de prensa, acompañado do delegado en Santiago da Federación Galega de Atletismo, Iván Sanmartín.