Noticias

A concelleira de Seguridade Cidadá, Marta Álvarez-Santullano, e o xefe do Servizo de Extinción de Incendios, Xesús Martínez, presentaron en rolda de prensa un balance das intervencións dos Bombeiros de Santiago nos últimos tres anos. En 2010, realizaron 1.192 intervencións, polas 1.031 de 2009 e as 838 de 2008.

Os días 9, 10 e 11 de abril celebrarase no barrio de San Lázaro a tradicional Festa da Uña. Tampouco nesta edición faltarán a poxa polas uñas, a degustación das mesmas e variadas actividades festivas.

A partir da información publicada o pasado día 1 de abril referida a posibles irregularidades cometidas pola directora da UMAD no exercicio do seu cargo, faise constar o seguinte:

A concelleira de Cidade Histórica e Rehabilitación, Olga Pedreira, deu a coñecer a distinción concedida polo Colexio Oficial de Arquitectos de Galicia (COAG) á obra realizada polo seu departamento na rúa Trindade, na praza de San Frutuoso, como exemplo de espazo público aberto rehabilitado. Para Pedreira, esta actuación representa "o modelo de recuperación urbana que defendemos, ao combinar elementos como pedra, auga e vexetación nos espazos públicos".

A Casa das Asociacións acolleu unha charla de presentación ao ensino secundario do xogo educativo Atopando Compostela, impulsado pola Concellería de Normalización Lingüística. Cada centro de ensino recibiu dous exemplares do xogo.

Logo do peche da exposición Korda. Coñecido, Descoñecido, abre as súas portas unha nova mostra no Auditorio de Galicia. Baixo o nome de Casus Belli+Refutación do Contexto inaugúrase o mércores 6, ás 19:30 horas, na Sala Isaac Díaz Pardo. Na inauguración estarán presentes o director-xerente do Auditorio de Galicia, Paulo Rodríguez; os dous comisarios da mostra, Alberto González-Alegre e Ángel Cerviño; e os...

A Fundación Balms para a Infancia celebrará a súa II Cena Benéfica o venres 8 de abril, ás 22.00 horas, no Hostal dos Reis Católicos. O Concello colabora con esta iniciativa solidaria, que pretende recadar fondos para o proxecto da Casa da Infancia de Colombia.

A Xunta de Goberno, na súa reunión ordinaria, adoptou o acordo definitivo de cesión a favor do Servizo Galego de Saúde (SERGAS) da parcela R-10 do Plan Parcial do SUP-4 de Conxo, co obxecto de que sexa destinada a Centro de Saúde Público.

A Concellaría de Participación Cidadá leva á Casa das Asociacións (rúa Manuel Beiras, 3) a exposición Pingas, na que o artista compostelán Manoel Bonabal amosará gravados (xilografía e monotipias) coa temática da chuvia. A mostra, que se inaugurará o mércores 6, ás 20.00 horas, estará aberta ata o 29 de abril. No acto haberá un recital poético de Iolanda Aldrey.

Continúan os encontros previos ao gran acto de apoio ao 800 Aniversario da Catedral de Santiago: Compostela abraza a súa Catedral. Desta vez, na praza do Obradoiro, realizouse un ensaio previo in situ cun grupo de persoas pertencentes aos diferentes colectivos implicados nesta iniciativa de participación cidadá.