Noticias

O alcalde compostelán, Ángel Currás, recibiu os participantes no curso internacional de verán organizado pola Fundación Compostela Arquitectura e que se celebra do 15 de xullo ao 3 de agosto en San Martiño Pinario. Uns 30 estudantes de distintas nacionalidades participan nestas sesións, que terán como conferenciantes distinguidos a persoeiros como William J.R. Curtis, David Chipperfield ou Álvaro Siza.

A Xunta de Goberno, na súa sesión ordinaria, aprobou o proxecto de reurbanización da rúa Caramoniña e do espazo libre do equipamento ASD_26. Tamén se deu o visto bo a dúas modificacións orzamentarias, ao programa de concertos Emerxentes e ao convenio que permitirá a Santiago albergar o congreso BioSpain 2014.

O Festival Via Stellae 2013 pecha este venres na Igrexa da Universidade o ciclo de concertos que durante dúas semanas encheron de boa música diversos espazos da cidade. O encargado de por fin a esta edición será o Tak-Nara Percussion Group, co seu espectáculo Tak-Nara 2.0: percusión, conversas e danzas, ás 21:00 horas, na igrexa da Universidade. Entrada libre previa recollida de invitación no Teatro Principal.

A Concellería de Centros socioculturais abre a partir deste xoves 18 de xullo, ás 17:00 horas, o prazo para participar na próxima viaxe do programa Imos de excursión 2013. Será a denominada "Galicia medieval: Festa da Istoria de Ribadavia", que se realizará o sábado 31 de agosto.

A sesión ordinaria de xullo do Pleno da Corporación tivo como un dos seus puntos destacados a aprobación inicial unha modificación da Ordenanza reguladora das terrazas e quioscos de hostalería. Tamén se deu o visto bo a unha modificación orzamentaria que permitirá dedicar algo máis dun millón de euros a investimentos.

Rematouse a instalación dos novos equipos informáticos na rede de centros socioculturais, de xeito que estarán listos para o inicio do novo curso. Así, foron postos a disposición dos veciños nos centros 70 ordenadores, que substitúen os máis antigos da rede, tal como anunciara o concelleiro de centros socioculturais, Francisco Noya, atendendo a demanda das asociacións veciñais.

A concelleira de Comercio e Mercados, Reyes Leis, visitou o mercado de proximidade Entre lusco e fusco, que cada martes se celebra no Parque de Belvís. A edil expresoulle o seu apoio aos comerciantes desta feira e comprometeuse a estudar con eles fórmulas de promoción do mercado, dos seus produtos de temporada e das súas actividades divulgativas.

O alcalde compostelán, Ángel Currás, recibiu de mans do pintor Segundo Hevia a súa obra Plaza de la Inmaculada II. Santiago de Compostela, que vén de doar ao Concello e que será exposta no Pazo de Raxoi.

A concelleira de Mercados, Reyes Leis, visitou o Mercado de Amio para coñecer o estado actual do recinto e as súas necesidades. Na súa visita reuniuse con membros das asociacións Astragal e Agega, que representan á maioría dos gandeiros que operan cada mércores no mercado, o máis importante de Galicia e un referente tanto en España coma en Europa.

O alcalde compostelán, Ángel Currás, e outros membros da Corporación recibiron a tres nenas saharauís que están a participar en Santiago no programa Vacacións en paz. No encontro participaron tamén as súas familias acolledoras; a representante da Asociación Solidariedade Galega co Pobo Saharauí, Maite Isla; e o delegado saharauí para Galicia, Alali Emboiric Mohamed.