Noticias

A Xunta de Goberno autorizou na súa sesión ordinaria un total de 259 cacharelas e sardiñadas para a noite de San Xoán, 27 máis que en 2011. Delas, 144 realizaranse na cidade e outras 115 no rural.

A Xunta de Goberno aprobou a apertura de prazos e o procedemento de admisión na Escola Infantil Municipal de Salgueiriños. As familias deberán presentar a documentación entre o 22 de xuño e o 9 de xullo, ambos incluídos.

A concelleira de Educación e Normalización Lingüística, Rebeca Domínguez, convidou os composteláns a sumarse ás actividades programadas con motivo do Día Europeo da Música. Ao longo desta xornada do xoves 21 celebraranse varios concertos e veladas musicais en diferentes espazos da cidade.

O alcalde de Santiago, Ángel Currás, e a concelleira de Turismo, Reyes Leis, participaron en Madrid nunha reunión do Grupo de Cidades Patrimonio co director de Bens Culturais, Arquivos e Bibliotecas, Jesús Prieto, e a subdirectora xeral de Patrimonio Histórico, Ánxeles Alastrué. Na reunión confirmouse que o Ministerio de Cultura manterá a mesma aportación que o ano pasado e que se desenvolverán novos proxectos en colaboración co Ministerio e a UNESCO para conseguir unha maior excelencia das Cidades Patrimonio...

O Circo Acrobático Nacional de Pequín chega á nosa cidade o vindeiro mes de setembro. Fundado en 1950, foi condecorado con 18 medallas de ouro en diferentes competicións internacionais, e está entre os máis importantes circos chineses. O sábado día 22 fará dúas funcións do seu espectáculo O soño dunha viaxe a Oriente no Auditorio de Galicia, ás 18:00 e 21:00 horas. As entradas, 10 € para nenos de ata 12 anos e 20 € para adultos, están xa á venda na billeteira do Teatro...

A concelleira de Educación e Normalización Lingüística, Rebeca Domínguez, participou na entrega de premios do certame Nós tamén creamos!, promovido pola Consellería de Cultura, Educación e Ordenación Universitaria en colaboración coa Compañía Radio Televisión de Galicia (CRTVG) e con OQOeditora, no marco do programa de dinamización lingüística homónimo. O acto celebrouse no auditorio da Biblioteca da Cidade da Cultura.

O concelleiro de Centros Socioculturais e Festas presentou aos medios de comunicación a Coordinadora das Festas Tradicionais de Conxo. Na rolda expuxéronse as liñas básicas de actuación e deuse a coñecer a programación da festa do San Xoán deste ano.

O alcalde compostelán, Ángel Currás, recibiu o presidente de UNICEF Galicia, Manuel Sánchez Macho. Non encontro falouse dos requisitos e trámites para que Santiago se converta en cidade amiga da infancia.

A concelleira de Urbanismo, María Pardo, compareceu en rolda de prensa para facer balance do primeiro ano á fronte do Departamento. Defendeu a transformación realizada na súa estrutura, transformándoa nunha Concellería "máis eficiente, áxil e eficaz". Entre as actuacións máis salientables, citou a creación do Rexistro Auxiliar de Urbanismo, a actualización da normativa municipal ou os traballos para o coidado dos espazos públicos na Cidade Histórica.

A carreira no competitiva A Santiago contra o cancro 2012, que se celebrará do 29 de xuño ao 1 de xullo unindo León con Santiago de Compostela, e que organiza a Escola do Corredor ULE-Chorco e a Asociación Española contra o Cancro (AECC), segue co seu obxectivo de recadar fondos para a loita contra esta enfermidade. O Concello colabora con esta iniciativa, motivo polo que a concelleira de Turismo, Reyes Leis, recibiu en Raxoi o presidente da Asociación contra o cancro de León, Agustin Montoya.