EDUCACIÓN
"Nadal de Danza" leva a escena as coreografías dos escolares composteláns
O Teatro Principal acollerá o domingo 20 de decembro, ás 19:00 horas "Nadal de Danza`09". Será unha excelente oportunidade para observar en vivo as habilidades coreográficas das escolares compostelás –unicamente hai un alumno- con obras dos máis variados estilos.
ALCALDÍA
O alcalde agradece o labor dos traballadores municipais en 2009
Como cada ano por estas datas, os traballadores do Concello foron recibidos no Salón Nobre de Raxoi polo alcalde e polo resto da Corporación. Sánchez Bugallo desexoulles a todos un bo Nadal e un satisfactorio ano 2010.
ALCALDÍA
Nova imaxe de bulevar urbano para a rúa Londres, en Fontiñas
O alcalde compostelán, Xosé A. Sánchez Bugallo, inaugurou as obras de reurbanización da rúa Londres, en Fontiñas, financiadas polos Fondos de Inversión Local (FIL). Estas obra seguiu o modelo da xa reformada rúa Berlín, afectou a un tramo de 550 metros de lonxitude e supuxo un investimento de case 2,5 millóns de euros.
CONSORCIO
O Consello de Administración do Consorcio aproba un orzamento de máis de 14 millóns de euros para o ano 2010
O Consello de Administración do Consorcio de Santiago aprobou un orzamento de 14.374.376,65 euros para o exercicio 2010, o que permitirá desenvolver os proxectos e programas do organismo interadministrativo, orientados a promover as políticas de recuperación urbana e de dinamización turístico-cultural da cidade, ademais da atención dedicada ao Programa de Información, Estudo e Interpretación da Cidade Histórica.
ALCALDÍA
A avenida de Castelao contará con nove pasos peonís, nova rotonda e tres carrís no seu último tramo
A reurbanización da avenida de Castelao vai transformar este travesía nunha avenida urbana, máis segura, con máis servizos e, en definitiva, con máis calidade de vida. Xa están en marcha as obras nesta rúa, que afecta a un ámbito de 1.200 metros de longo e que teñen un custo de 2.254.419 euros máis IVE.
EMPREGO
O Centro de Formación de Sanxuás de Aríns recibe a Certificación de Calidade
O Centro de Formación Ocupacional de Sanxuás de Aríns conta xa co Certificado de Calidade UNE-EN-ISO 9001:2008. A certificación recolleuna o concelleiro de Promoción Económica, Emprego, Comercio e Turismo, Xosé Manuel Iglesias de mans de Ignacio Martínez, xerente de EQA (European Quality Assurance), nun acto celebrado no pazo de Raxoi.
ALCALDÍA
O Centro Cultural-Social Xoán XXIII convértese tamén nun centro de día
O alcalde compostelán, Xosé A. Sánchez Bugallo inaugurou a remodelación do albergue do Centro Cultural-Social Xoán XXIII. A instalación amplía así o seu servizo de acollida nocturna de transeúntes para converterse nun centro de día.
CULTURA
Un caderno didáctico achega a figura de Ánxel Casal á cidadanía
Un 17 de decembro de 1895 nacía Ánxel Casal, intelectual, editor e político compostelán. 114 anos despois, a concelleira de Cultura e Centros Socioculturais, Socorro García Conde, presentou o libro Ánxel Casal Gosende. O editor de Nós, un caderno de fácil manexo e de vontade didáctica que busca "facer ese refrescado da memoria para poñer a Casal en relación cos espazos e os acontecementos históricos da cidade".
FESTAS
A Concellaría de Festas presenta un programa de animación para o Nadal centrado nos máis pequenos
O concelleiro de Festas de Santiago, Xosé Baqueiro, presentou en rolda de prensa o programa de actividades para este Nadal, con abundantes pasatempos para os máis pequenos. Pero tamén anunciou outros eventos coma o Festival de Corais ou o espectáculo multimedia previsto para o fin de do ano.
ALCALDÍA
Os Premios Vagalume recoñecen o labor social da Asociación Gondwana e do artesán Francisco Javier Otero
A Asociación Gondwana, na categoría colectiva, e o mestre artesán Francisco Javier Otero, foron os gañadores dos XVII Premios Vagalume. Estes galardóns recoñecen o traballo de colectivos ou persoas individuais que desenvolven as súas actividades cunha clara vocación social en Santiago.