LINGUA
O programa Apego incorpora once novos concellos despois dun ano de andaina
O vindeiro sábado, o Centro Ágora da Coruña, acollerá o acto de adhesión de novos concellos ao programa Apego, de promoción e transmisión da lingua ás nenas e nenos. Á sinatura asistirá o alcalde compostelán, Martiño Noriega.
ACCIÓN CULTURAL
Juan Mayorga estará no Teatro Principal para presentar "Reikiavik" e conversar co público
O dramaturgo Juan Mayorga estará este venres en Compostela para presentar Reikiavik, a súa última obra de teatro que poderemos ver a partir das 20.30 h no Teatro Principal. Ao remate da mesma, Mayorga manterá un encontro co público. As entradas, teñen un prezo de 12 euros (6 para os grupos que teñen os descontos habituais) e poden mercarse no despacho de billetes do Teatro Principal de 18:00 a 21:00 horas, no 902 434 443 ou en entradas.abanca.com.
CONVIVENCIA
O Concello presenta un programa para previr as pintadas vandálicas a través da arte urbana
O concelleiro de Medio Ambiente e Convivencia presentou hoxe o proxecto Rúas, "Rexeneración Urbana. Arte. Santiago". Trátase dun programa que ten como obxectivo acabar coas pintadas nas rúas de Compostela a través de actividades educativas e preventivas, e poñendo en valor os auténticos graffitis fronte ás agresións ao patrimonio. O proxecto foi desenvolvido pola Asociación Vella Escola.
DEPORTE
A Andaina a favor de Unicef busca nesta edición axudar aos nenos e nenas sirios
A concelleira de Deporte, Noa Morales, acompañada da coordinadora de UNICEF Comité Galicia, Irene Marín, e do presidente da sección de montaña do Club Deportivo Fontiñas, Iñaki Bilbao, presentaron esta mañá unha edición especial da Andaina solidaria a favor de Unicef.
ESPAZOS CIDADÁNS E DEREITO Á VIVENDA
Jorge Duarte reúnese coa veciñanza de Vite para falar da súa designación como Área de Rehabilitación Integral (ARI)
O concelleiro de Espazos Cidadáns, Dereito á Vivenda e Mobilidade, Jorge Duarte, reuniuse onte coa veciñanza de Vite para explicar en detalle o que significa a declaración do barrio como Área de Rehabilitación Integral. O edil indicou que a ARI aféctalle a un total de 1.263 vivendas, que poderán optar a axudas para mellorar a súa accesibilidade, habitabilidade e eficiencia enerxética, a través de renovación de fachadas, mellora dos illamentos ou instalación de ascensores. A declaración da...
CONVIVENCIA
Comezan as accións prácticas do Programa de Educación Viaria da Policía Local
Esta mañá comezaron as actividades prácticas do Programa de Educación Viaria da Policía Local, que se prolongarán ata o 9 de maio. O módulo está dirixido a estudantes de 4º de Primaria dos colexios de Compostela, que aínda están a tempo de inscribirse para participar nesta acción formativa.
TURISMO
A primeira edición de Santiago Paixón Doce rematou cunha boa acollida do sector
A concelleira de Turismo, Marta Lois, e os presidentes da Asociación Hostalería Compostela, Sara Santos e José Antonio Riveiro, valoraron os resultados de Santiago Paixón Doce, novo programa gastronómico que naceu coa idea de promocionar como atractivo turístico a tradición larpeira da cidade durante a pasada Semana Santa. Tanto o Concello como a Asociación fixeron unha valoración positiva da acollida da primeira edición do evento.
MEDIO AMBIENTE
Un concurso de modelado 3D fomenta a educación en valores ambientais
O Concello, en colaboración coa Universidade de Santiago e a empresa Ferrovial, vén de poñer en marcha o concurso COMPOS3D de modelado 3D a partir de fotografías, co obxectivo de fomentar a educación en valores medioambientais. O certame enmárcase nas actividades de celebración na cidade do Día Mundial do Medio Ambiente, e está dirixido a estudantes de entre 14 e 17 anos.
CONSORCIO
Aberto o prazo de inscrición no curso de Especialización Instrumental da Escola de Altos Estudos Musicais
A Escola de Altos Estudos Musicais (EAEM), con sede en Santiago de Compostela, organiza unha nova edición do Curso de Especialización Instrumental 2016-2017. Esta iniciativa diríxese a estudantes de música de grao medio ou superior que desexen perfeccionarse nalgún destes instrumentos: violín, viola, violoncello, contrabaixo, frauta, óboe, clarinete, fagot, trompa, trompeta, trombón ou percusión.
ESPAZOS CIDADÁNS
En marcha a convocatoria de novas axudas para as áreas de rehabilitación de Vista Alegre, Pontepedriña e Cidade Histórica
O concelleiro de Espazos Cidadáns, Dereito á Vivenda e Mobilidade deu conta hoxe da convocatoria de subvencións para a rehabilitación de edificios e vivendas nas ARIs de Vista Alegre, Cidade Histórica e os grupos de vivendas Compostela e Cardeal Quiroga Palacios, na Pontepedriña. Jorge Duarte tamén informou da convocatoria de subvencións do Programa de rexeneración e renovación urbanas da ARI dos Camiños de Santiago, que a Consellería de Infraestruturas e Vivenda publicou onte no Diario Oficial de Galicia.