DEPORTES
A Andaina dos 50 Km ofrece a oportunidade de practicar deporte gozando das paraxes máis atractivas do entorno de Compostela
Este sábado 9 de maio celebrarase a XI Andaina dos 50 Km de Santiago de Compostela, organizada polo Club Deportivo Fontiñas coa colaboración do Concello de Santiago. O evento foi presentado esta mañá pola concelleira de Deportes, María Corral.
ALCALDÍA
Auryn, Kusturika, La Pegatina ou Kitty, Daisy & Lewis, algúns dos nomes destacados dunhas Festas da Ascensión con propostas para todos os públicos
O alcalde de Santiago, Agustín Hernández, e a concelleira de Cultura, María Antón, presentaron o programa das Festas da Ascensión, que se celebrarán do 13 ao 17 de maio. O calendario ofrece unha ampla gama de propostas, na que destaca a presenza de nomes como Auryn, Emir Kusturika, La Pegatina, Kitty, Daisy & Lewis, Moreno Veloso ou Guadi Galego.
ALCALDÍA
O alcalde cualifica de "boa noticia" a evolución do paro en abril, que sitúa a cidade por debaixo dos 8.000 desempregados
O alcalde de Santiago, Agustín Hernández, expresou a súa satisfacción polos datos do para do mes de abril, no que a cidade se situou por debaixo dos 8.000 desempregados. Este foi o mes de abril de maior descenso na serie histórica.
CONSORCIO
A soprano estadounidense Heidi Melton, considerada como a grande intérprete actual do repertorio de Wagner, canta esta semana coa Real Filharmonía de Galicia
A Real Filharmonía de Galicia celebra esta semana dous concertos. O xoves, a orquestra desprazarase a Vigo, onde actuará no Teatro Afundación ás 20:30 horas. E o venres tocará en Santiago, ás 21:00 horas, no Auditorio de Galicia. En ámbalas citas levará a batuta o director titular da orquestra, Paul Daniel.
CULTURA
Aporía Escénica presenta "30 e tantos ósos" dentro do Bono de Teatro Galego e Portugués
A compañía pontevedresa Aporía Escénica presenta, dentro do Bono de Teatro Galego e Portugués, 30 e tantos ósos, a partir de textos e materiais de creación colectiva. Será este mércores 6 de maio, ás 20:30 horas, no Teatro Principal. As entradas teñen un prezo de 10 euros, ou de 7 se se adquiren co Bono. Poden mercarse no despacho de billetes do Teatro Principal (aberto de 18:00 a 21:00 horas), no 902 434 443 ou na páxina web entradas.abanca.com.
EDUCACIÓN
Aberto o prazo de preinscrición na Escola Municipal de Música para o novo alumnado
Este luns 4 de maio abriuse o prazo de preinscrición na Escola Municipal de Música para o novo alumnado, unha vez que rematado o prazo de renovación para o xa existente. Con tal motivo publicouse o listado prazas vacantes para o curso 2015-2016. O prazo de preinscrición remata o 22 de maio.
XUVENTUDE
Comezan as obras do Centro Xove de Creación Cultural da Almáciga
A concelleira de Xuventude, Maite Cancelo, vén de anunciar o comezo das obras do Centro Xove de Creación Cultural da Almáciga, que foran adxudicadas pola Xunta de Goberno local o pasado 19 de marzo por un importe de 199.560 euros, dos cales o 80% serán achegados polo Fondo Europeo de Desenvolvemento Rexional, e o 20% restante polo Concello. O edificio estará situado a carón do CEIP Apóstolo Santiago e da Escola Municipal de Música e conta cun prazo de execución de seis meses.
CENTROS SOCIOCULTURAIS
O programa "Imos de excursión 2015" retoma a actividade cunha visita a Mugardos
O programa Imos de excursión 2015, promovido pola Concellería de Cultura, continúa coa programación de excursións dende os centros socioculturais, coa organización dunha visita ás "Terras de Mugardos" na que os participantes se achegarán ás localidades de Mugardos, Ares e Redes.
EDUCACIÓN
Máis de 185 alumnos e alumnas da Escola Municipal de Música participarán no Auditorio no Festival de Música e Movemento
Os días 5 e 6 de maio, ás 18:30 horas, a Sala Mozart do Auditorio de Galicia acollerá o Festival de Música e Movemento que tradicionalmente organiza a Escola Municipal de Música. O evento dará a coñecer o traballo desenvolvido ao longo destes meses na Escola e contará coa participación de máis de 185 alumnos e alumnas, acompañados do profesorado da EMM e das súas familias.
TURISMO
Turismo de Santiago reúnese co novo responsable de Turkish Airlines en Galicia
A concelleira de Turismo, Reyes Leis, vén de reunirse co novo responsable de Turkish Airlines en Galicia, Ertan Alpay, para estudar novas accións de promoción da conexión entre o aeroporto de Santiago e o hub da compañía turca en Estambul como porta de entrada do turismo asiático na cidade. Ertan Alpay foi nomeado responsable da aeroliña en Galicia a mediados deste mes de abril en substitución de Yahya Zahid Sensoy, que á súa vez foi nomeado director xeral da compañía en Madrid.