ACCIÓN CULTURAL
Producións Excéntricas presenta "Os amores de Jacques o fatalista", por Quico Cadaval
Producións Excéntricas presenta en Compostela o seu último traballo, Os amores de Jacques o fatalista. Protagonizada por Víctor Mosqueira, Marcos Orsi, María Costas e Piti Sanz, trátase dunha adaptación de Quico Cadaval da novela Jacques o fatalista, do francés Denis Diderot. Cadaval é tamén director da obra que poderemos ver no Teatro Principal o xoves 10 e o venres 11, ás 20:30, e de novo o domingo 13, ás 19:00 horas.
ACCIÓN CULTURAL
"Femenino singular", unha comedia aceda sobre a maternidade, no Teatro Principal
A Concellaría de Acción Cultural presenta este mércores no Teatro Principal, ás 20:30 horas, Femenino singular, unha comedia aceda sobre a maternidade enmarcada dentro dos actos especiais deste mes arredor do 8 de marzo, Día Internacional das Mulleres. Marta Belenguer, Rosa Manteiga, Carolina Solas e María Vázquez, xunto a Jorge Muñoz, contan a súa vida, real, como mulleres, nais, actrices e amigas. As entradas, a 12 euros (6 para os supostos de redución) poden mercarse no despacho de billetes do Teatro Principal,...
ALCALDÍA E CONVIVENCIA
Os Bombeiros de Santiago celebran o seu día
O 8 de marzo celébrase o Día dos Bombeiros, e o Servizo de Extinción de Incendios e Salvamento de Compostela celebrouno cunha recepción nas súas instalacións. O alcalde, Martiño Noriega, o concelleiro de Medio Ambiente e Cidadanía, Xan Duro, e os voceiros da oposición asistiron a este acto, ao que tamén estiveron invitados representantes da Policía Local, Protección Civil, a Policía Nacional e a Garda Civil.
TURISMO
Turismo promociona a cidade en Berlín
Turismo de Santiago participa na ITB, principal feira de turismo do mercado alemán, que se celebra en Berlín do 9 ao 13 de marzo. A participación da entidade municipal de promoción turística na ITB é unha das súas accións máis importantes do ano, xa que o mercado alemán é prioritario para a cidade. O mercado alemán suma máis de 50.000 pernoctacións cada ano nos hoteis da cidade, sendo só superado en número polo mercado italiano.
CONVIVENCIA
A Policía Local actualiza a súa formación
A Policía Local de Compostela está actualizando os seus coñecementos, grazas a un plan formativo organizado polo Concello e que ten como obxectivo garantir a seguridade cidadá. A temática dos cursos está relacionada co labor diario dos axentes.
EDUCACIÓN E CIDADANÍA
Aberta a inscrición no Programa de Conciliación de Semana Santa
As familias compostelás xa poden inscribir os seus nenos e nenas no Programa Municipal de Conciliación de Semana Santa, que se realizará nos CEIPs As Fontiñas e Raíña Fabiola os días 21, 22, 23 e 28 de marzo. Estas actividades, organizadas pola Concellaría de Educación e Cidadanía, están dirixidas a rapaces e rapazas con idades comprendidas entre os 3 e os 12 anos.
ALCALDÍA
O alcalde felicita á USC polo seu compromiso coas novas empresas innovadoras
O alcalde participou este luns na inauguración do encontro Spin-Off Lean Acceleration-SOLA, un proxecto enmarcado na RedEmprendia que ten como obxectivo consolidar o emprendemento innovador e tecnolóxico. Nesta iniciativa participan expertos de oito prestixiosas universidades de cinco países, que dende hoxe e ata o día 9 estarán reunidos na Casa de Europa para estudar fórmulas que melloren as capacidades das universidades para acelerar empresas baseadas no coñecemento e a I+D.
POLÍTICAS SOCIAIS
A concelleira de Políticas Sociais coñece as instalacións de Cogami
A concelleira de Políticas Sociais, Concha Fernández, achegouse esta mañá ás instalacións de Cogami en Santiago para coñecer o traballo que realizan na cidade. Visitou, acompañada do seu presidente, Anxo Queiruga, as dependencias situadas en Modesto Brocos e tamén no Polígono do Tambre, coñecendo o traballo que realizan os seus voluntarios.
IGUALDADE
O obradoiro "Vida Propia" chega a tres parroquias do rural con actividades de empoderamento da muller
Os concelleiros de Igualdade e de Medio Rural, Marta Lois e Rafael Peña, achegáronse esta mañá ao Local Social de Enfesta para presentar o obradoiro Vida Propia, que comeza esta semana en tres parroquias de Santiago: Enfesta, O Eixo e Villestro.
ACCIÓN CULTURAL
A Concellaría de Acción Cultural programa dous talleres sobre mediación cultural no Local Sociocultural da Caramoniña
A Concellaría de Acción Cultural programou dous talleres baixo o título Pensar a mediación cultural. Que flúa, destinados a persoas pertencentes a entidades e asociacións que desenvolvan proxectos de ámbito local ou pretendan poñer en marcha experiencias de mediación cultural sobre Santiago de Compostela. Celebraranse os días 28, 29 e 31 de marzo e 1 de abril no Local Sociocultural da Caramoniña (travesía Escultor Asorey, 14 – baixo). A participación é de balde.