Noticias

O alcalde de Santiago, Martiño Noriega, e a concelleira de Deporte, Noa Morales, reuníronse cunha delegación da Federación Galega de Fútbol, encabezada polo seu presidente, Rafael Louzán.

As concelleiras de Políticas Sociais e de Deporte, Concha Fernández e Noa Morales, presentaron o Proxecto de Promoción do Acceso aos Recursos Municipais, co obxectivo de favorecer o acceso a determinadas instalacións ou programas municipais cando a o seu custo sexa un impedimento para determinadas familias e de mellorar a súa calidade de vida. Neste verán e coa colaboración do Multiúsos Fontes do Sar, o proxecto permite xa gozar a unhas 100 familias e a 381 persoas da piscina deste complexo durante os meses de xullo e agosto.

O alcalde de Santiago de Compostela, Martiño Noriega, e outros membros da Corporación, recibiron en Raxoi os oito nenos e nenas saharauís que pasarán este verán en Compostela e as súas familias de acollida.

O Santiago de Compostela Convention Bureau (SCCB), servizo de Turismo de Santiago para a promoción da cidade como destino de Congresos, Xornadas e Incentivos, participa esta semana en The Meetings Show, feira especializada no sector congresual do mercado británico.

Os violinistas arxentinos Manfredo Kraemer e Guadalupe del Moral ofrecen este xoves un concerto dentro do Festiva Via Stellae baixo o título Tres séculos, dous continentes… en música para dous violíns. Será a partir das 20:30 horas no Paraninfo da Universidade (Facultade de Xeografía e Historia). A entrada é libre previa retirada de invitacións no despacho de billetes do Teatro Principal (aberto de 18:00 a 21:00 h) ou dende unha hora antes de que comece o concerto no propio Paraninfo.

Baixo o título Ramón Sánchez Estalote: memoria dun tempo, o Consorcio de Santiago promove unha exposición de imaxes deste fotógrafo compostelán. A mostra repártese entre a Casa do Cabido (na praza das Praterías) e o Museo do Pobo Galego.

Continúan as actividades do programa Vive o verán,tanto coas Mañás de verán e de xogo nos centros socioculturais como con outras actividades que están sendo moi ben acollidas polo público.

Co obxectivo de promover a educación en materia de seguridade viaria, dende a Concellaría de Convivencia e a través da Policía Local colabora en varias actividades dirixidas ao público infantil que participa nas Mañás de verán e de xogo dos centros socioculturais dentro do programa Vive o verán. Desta vez foron uns 30 nenos de entre 6 e 12 anos do CSC de Vite os que pasaron unha animada mañá coa Policía Local.

A Escola de Altos Estudos Musicais, con sede en Santiago de Compostela, imparte o Curso Avanzado de Especialización Orquestral (CAEO), recoñecido como título propio de posgrao pola Universidade de Santiago. Diríxese a músicos instrumentistas con titulación superior que teñan como meta adquirir a formación e a experiencia necesarias para integrarse nunha orquestra profesional. Naceu hai catro anos como unha experiencia pioneira en toda España.

O alcalde de Santiago, Martiño Noriega, recibiu en Raxoi o presidente da Real Academia Galega de Belas Artes, Manuel Quintana Martelo.