Noticias

Dende o vindeiro 1 de maio, Air Berlín ofrece unha nova conexión aérea entre Santiago e Linz (Austria), vía Palma de Mallorca, con 4 voos semanais (luns, mércores, venres e domingos), dende 59€. A saída dende Santiago é ás 17:10 horas, mentres que o voo de Linz sae ás 11:55 h.

Unha fin de semana para dúas persoas nunha casa de Turismo Rural é o premio que poderán gañar aqueles que mellor fagan uso do colector amarelo dende o 1 ao 30 de maio, dentro da campaña de recollida de plástico, latas e briks. A iniciativa, que chega á súa segunda edición, foi presentada pola concelleira de Medio Ambiente, Marta Álvarez-Santullano.

Santiago pode contar este mesmo ano 2006 cun xulgado mixto que entenderá dos temas do mercantil, segundo anunciaron o alcalde de Santiago, Xosé A. Sánchez Bugallo, e o conselleiro de Presidencia, Administracións Públicas e Xustiza, José Luís Méndez Romeu, trala súa xuntanza no Pazo de Raxoi. Ademais, o Departamento autonómico tramitará en breve a solicitude para que comece a funcionar canto antes o rexistro mercantil.

Os salóns de actos dos institutos Rosalía de Castro e Xelmírez I acollen ata o 28 de abril o XI Certame de Teatro Intercentros, organizado polo Departamento de Educación e Mocidade do Concello de Santiago, e a Coordenadora de Equipas de Normalización Lingüística.

O venres 28 de abril péchase o prazo para a recepción de guións para participar no Compostela Plató, o concurso estatal de guións para curtas de ficción do III Festival Internacional de Curtametraxes de Santiago de Compostela, Curtocircuíto’06

O Teatro Principal acolle o xoves 27, ás 10.00, a última fase do concurso "Tíralle da Lingua", unha iniciativa na que participaron 2.000 rapaces de toda Galicia, que puideron aportar os seus relatos orais. Nesta última etapa presentaranse os relatos gañadores, correspondentes a 60 rapaces de 35 centros escolares. Este acto final foi presentado en rolda de prensa polo concelleiro de Política Lingüística, Manuel Portas, e por Belén Ambroa Roca, da directiva da Asociación Pedagóxica Galega, AS-PG.

O alcalde de Compostela, X. A. Sánchez Bugallo, acompañado da Concelleira de Benestar Social, Adelaida Negreira, inauguraron a posta en marcha da construción do edificio que servirá para atender as necesidades de todos os composteláns en materia social.

"Proxecto de Integración Sociocultural de Mulleres Inmigrantes" é a denominación dunha iniciativa que pretende dar unha oportunidade ás mulleres inmigrantes que viven Santiago para atopar un punto de encontro no que tratar diversos temas do seu interese. Así o indicou a concelleira de Emigración e Inmigración, Teresa Regúlez, na presentación deste proxecto, que desenvolve o Concello de Santiago en colaboración coa Cruz Vermella.

Escolares de Santiago de Compostela pediron ao tenente de alcalde e concelleiro de Cultura, Néstor Rego, que se comprometa a poñer en marcha medidas para asegurar que o ensino universal sexa unha realidade no ano 2015. Para acadar este obxectivo fan falta 15 millóns máis de docentes cualificados e ben remunerados.

A Xunta de Goberno deu o visto bo ós proxectos de urbanización dos solos SUNP-11 do Castiñeiriño e SUNP-12 de Lamas de Abade. Estes proxectos permitirán a construcción de máis de 500 vivendas protexidas.