Noticias

A concelleira de Facenda, Cecilia Sierra, anunciou que, un exercicio máis, os tributos municipais permanecerán conxelados e nin sequera contemplarán a suba do IPC. Ademais, as ordenanzas fiscais para 2013 ofrecen a novidade da posibilidade do fraccionamento do pago do Imposto de Bens Inmobles (IBI) ata en tres prazos.

O alcalde compostelán, Ángel Currás, inaugurou as XXII Xornadas da Asociación Galega de Medicina do Deporte, que se celebran na Facultade de Medicina os días 26 e 27 de outubro. A continuación, o concelleiro de Deportes, Adrián Varela, interveu cun relatorio sobre "A evolución da implantación do deporte na sociedade moderna".

A concelleira de Benestar Social, Paula Prado, segue coa rolda de sinaturas de convenios coas diferentes entidades sociais da cidade. O Concello aumentou a partida ata os 398.000 euros co fin de colaborar con estas entidades no seu obxectivo de chegar a todas aquelas persoas que precisan algún tipo de axuda.

Continúa a tramitación da redacción do proxecto de mellora da mobilidade e da accesibilidade do barrio de Vista Alegre. Deste xeito, poderá acometerse o proxecto de mellora da mobilidade en dúas zonas deste barrio. A intervención, que contará cun orzamento de máis de 1,5 millóns de euros, está incluída na iniciativa Urbana Santiago Norte.

Os concelleiros de Turismo, Reyes Leis, e de Centros Socioculturais, Francisco Noya, uníronse no Polígono do Tambre á peregrinación que realizaron xornalistas e blogueiros para promover o Camiño Inglés e que estivo coordinada pola Asociación Hostalería Compostela. Despois de percorrer este último tramo, a comitiva foi recibida en Raxoi.

O alcalde compostelán, Ángel Currás, recibiu o embaixador de Corea do Sur en España, Oh Dae-Sung. O diplomático mantivo unha reunión co rexedor e asinou no Libro de Honra.

Os participantes no XIII Coloquio Ibérico de Xeografía foron recibidos en Raxoi polo alcalde, Ángel Currás. Este encontro reúne ata o 27 de outubro, na Facultade de Xeografía e Historia, a máis de 300 especialistas españois e portugueses que debaten sobre cuestións relacionadas co territorio, as infraestruturas, a economía e as relacións transfronteirizas e como estas poden axudar a superar a crise actual.

O director-xerente do Auditorio de Galicia, José Víctor Carou, e Víctor Mosqueira, Evaristo Calvo, Quico Cadaval e Piti Sanz, presentaron Románticos, a nova obra de Mofa e Befa-Produccións Excéntricas. A estrea absoluta será no Teatro Principal, dentro do ciclo Teatro&Danza, con cinco funcións, dende o mércores 31 de outubro ata o domingo 4 de novembro, ás 21:00 horas (agás domingo, que será ás 20:00 horas) As entradas poden mercarse xa na billeteira do Teatro Principal, que...