Noticias

Unha vez que remate o curso escolar, o Concello volve a poñer en marcha a Escola Municipal de Verán, do 23 ao 27 de xuño e do 1 ao 5 de setembro. As familias poden así dispor dunha oferta educativa e de lecer nestas datas, que ademais rendibiliza os equipamentos escolares.

"En busca do tesouro das familias" é o título dun novidoso programa que porá en marcha a Unidade Municial de Atención a Drogodependentes (UMAD) no último trimestre do ano. Esta actividade forma parte dos programas previstos pola Concellería de Benestar Social e Muller e incluídos no convenio que o Concello vén asinando coa Consellería de Sanidade dende o ano 1998.

Con motivo das tarefas de repintado da nova ubicación do mercado de Salgueiriños, o xoves 12 de xuño non se celebrará esta feira. Para o xoves 19, os 243 postos do mercado xa funcionarán normalmente no seu novo destino, na explanada contigua dedicada a aparcadoiro de autobuses.

O mécores 11 de xuño, ás 20:00 horas, no Centro Sociocultural da Trisca, sortearanse publicamente as hortas de Belvís logo de que unha comisión, presidida por Elvira Cienfuegos, avaliara todas as solicitudes.

A Fundación Compostela Deporte presentou esta mañá a Fase Final Internacional da Compostela Cup do Camiño 2008, que se disputará entre os días 14 de xuño e 6 de xullo. Están inscritos máis de 400 equipos e haberá máis dun milleiro de partidos e probas.

O alcalde compostelán, Xosé A. Sánchez Bugallo, mantivo dúas xuntanzas nos Ministerios de Defensa e de Fomento co obxecto de axilizar unha serie de temas sobre os que vén traballando o Concello en relación con ambos os dous organismos.