PROMOCIÓN ECONÓMICA
Catro enquisadores percorrerán 2.500 establecementos comerciais e hostaleiros para detectar as necesidades formativas do sector
O concelleiro en funcións de Promoción Económica e Comercio, Xosé Manuel Iglesias, acompañado de responsables das asociacións comerciais de Santiago, presentou a Campaña de sensibilización para a formación destinada a comerciantes e hostaleiros e enmarcada no Plan de Excelencia Comercial. A campaña informará a comerciantes e hostaleiros sobre o Plan de Excelencia Comercial e detectará as necesidades de formación e as carencias do sector.
DEPORTES
O deporte federado compostelán repartirase 255.000 euros
O Goberno local aprobou as bases da convocatoria de subvencións ao deporte federado para o ano 2007. En total repartiranse 255.000 euros, aos que poden acceder os clubs ou entidades deportivas federadas radicadas en Santiago e inscritos no Rexistro Municipal de Asociacións e no Rexistro da Dirección Xeral para o Deporte da Xunta de Galicia.
DEPORTES
Máis de 120 equipos de catro nacionalidades participarán na Compostela Cup 2007
A falta de dous días para o peche do prazo de inscrición na Compostela Cup do Camiño 2007, organizada pola Fundación Compostela Deporte, xa se anotaron máis de 120 equipos de catro nacionalidades. Clubs de Alemaña (Werder Bremen e Hannover 96), Suecia (IFK Goteborg), Portugal e España disputarán entre o 25 de xuño e o 8 de xullo a fase final en Santiago.
