Noticias

A Concellaría de Educación e Mocidade presentou a oferta de tempo libre para o verán, así como unha nova edición do programa de acollida de nenos e nenas saharauís "Vacacións en paz".

O concelleiro de Promoción Económica, Xosé Manuel Iglesias, presentou os resultados en materia de emprego durante a presente lexislatura. Mil seis persoas (entre alumnos dos cursos de formación, usuarios de proxectos experimentais, inscritos na Bolsa de Emprego, contratados a través de Programas de Cooperación, e contratados polas empresas xurdidas a través dos proxectos experimentais de emprego) accederon ao mercado laboral entre febreiro do 2004 e o 20 abril do 2007.

O alcalde, Xosé A. Sánchez Bugallo, inaugurou a exposición "Viradeiras" no Centro Sociocultural e Xuvenil do Ensanche. Esta mostra pretende facer visible o labor das organizacións sociais e persoas que traballan en Galicia para alcanzar unha sociedade mellor.

Cando se van cumprir quince anos dende o primeiro Consello de Administración do Consorcio de Santiago, alá polo 28 de abril de 1992, esta entidade fai balance do seu traballo. Por iso sae á luz o estudo "Avaliación das Políticas Públicas do Consorcio de Santiago (1992-2006)".

O Consorcio de Santiago celebra o seu XV aniversario cunha nova exposición, "Santiago dC", que estará no Banco de España ata 30 de novembro de 2007. A mostra recolle un bo número dalgunhas das mellores fotografías antigas da cidade, combinadas con outras que amosan a cidade actual e a súa evolución.

A Real Filharmonía de Galicia recorda cun concerto o aniversario da Revolución dos Caraveis do 25 de abril de 1974. Baixo a batuta de Jesús Amigo, o piano de Jorge Osorio e a voz de Ana Häsler, a orquestra compostelá repasa o 26 de abril temas portugueses bastante descoñecidos.

O alcalde compostelán, Xosé A. Sánchez Bugallo, recibiu en Raxoi ao artista Juan Queralt Blanch, coñecido especialmente pola súa interpretación dos dereitos humanos a través de "El Quijote" e do seu autor, Miguel de Cervantes.

A Concellaría de Cultura de Compostela asinou un convenio de colaboración dun total de 60.000 euros coa Sala Nasa. No acto, estiveron presentes o responsable do Departamento, Néstor Rego, e Xesús Ron, da Sala Nasa.

O concelleiro de Cultura, Néstor Rego, presentou "Zardigot", obra escrita por Euloxio Ruibal e que representará a compañía Espello Cóncavo. A representación teatral terá lugar no Teatro Principal o xoves 26 e o venres 27, ás 21:00 horas. O prezo das entradas será de 7, 5 e 3 euros, que se poderán adquirir alí mesmo en horario de mañá e tarde.