CENTROS SOCIOCULTURAIS
Máis de 2.300 persoas solicitan praza nas 242 actividades ofertadas polos centros socioculturais para o último trimestre do ano
Un total de 2.323 persoas solicitaron participar nas 242 actividades programadas para este trimestre pola Concellería de Centros Socioculturais e que terán lugar na extensa rede de centros do termo municipal a partir do martes 1 de outubro.
TURISMO
O traballo dos veciños consegue que o Entroido dos Xenerais da Ulla sexa declarado Festa de Interese Turístico de Galicia
Os Xenerais da Ulla encabezarán o desfile do Entroido en Santiago en 2014. Farano xa co recoñecemento ao seu Entroido como Festa de Interese Turístico de Galicia. En Compostela, esta celebración ten lugar nas parroquias de Aríns, Angrois, Marrozos e O Eixo. A estas súmanse outros 23 lugares dos concellos de Boqueixón, A Estrada, Silleda, Teo, Touro, Vedra e Vila de Cruces.
XUVENTUDE
Doce novas propostas formativas da Concellería de Xuventude para os meses de outubro, novembro e decembro
A concelleira de Xuventude, Rebeca Domínguez, presentou as actividades formativas do Departamento para o último trimestre do ano. Son doce propostas diferentes que intentan atender os principais intereses e motivacións dos mozos de Compostela. A inscrición xa está aberta.
MEDIO AMBIENTE
O Centro de Interpretación Ambiental de Compostela organiza unha Xornada de Portas Abertas co profesorado
O Centro de Interpretación Ambiental de Compostela (CIAC) realiza este martes 1 de outubro, entre as 18:00 e as 19:00 horas, unha Xornada de Portas Abertas para o profesorado dos centros escolares de Santiago.
DEPORTES
As rúas de Compostela acolleron unha nova edición do Día da Bicicleta
O Centro Comercial As Cancelas acolleu a saída do XXIII Día da Bicicleta. Un ano máis, o Concello apostou por esta xornada de lecer, deporte e familia, que nesta ocasión tivo a súa meta na praza central da Cidade da Cultura.
CULTURA
O CGAC celebra o seu XX aniversario
A concelleira de Educación, María Castelao, e o conselleiro de Cultura, Educación e Ordenación Universitaria, Jesús Vázquez, asistiron a una visita guiada polo Centro Galego de Arte Contemporánea (CGAC) con motivo do XX aniversario deste espazo de difusión cultural.
ALCALDÍA
O Concello recibe a parcela de 3.600 metros cadrados na que se construirá a nova área recreativa de Angrois
O alcalde compostelán, Ángel Currás; a ministra de Fomento, Ana Pastor; e a xerente de Patrimonio de ADIF asinaron en Raxoi o acordo de cesión dos terreos de ADIF ao Concello de Santiago para a construción dun parque público en Angrois. Testemuñas da sinatura foron os representantes veciñais de Angrois.
DEPORTES E FAMILIA
Todo listo para o XXIII Día da Bicicleta
O vindeiro domingo, 29 de setembro, ás 10:30 horas, sairán do Centro Comercial As Cancelas os participantes no XXIII Día da Bicicleta. Un ano máis, o Concello aposta por esta xornada de lecer, deporte e familia, que nesta ocasión terá a súa meta na praza central da Cidade da Cultura.
DEPORTES
A Escola de Atletismo Fontes do Sar comezou a súa temporada de adestramentos
O concelleiro de Deportes, Adrián Varela, visitou no Estadio de San Lázaro a Escola de Atletismo do Club Fontes do Sar. Os integrantes da Escola retomaron os adestramentos neste mes de setembro co inicio da nova temporada.
ALCALDÍA
Peregrinación a Santiago para loitar contra o estigma da enfermidade mental
O alcalde compostelán, Ángel Currás, recibiu en Raxoi os 60 participantes na peregrinación da Federación de Asociacións de Familiares e Persoas con Enfermidade Mental de Galicia (FEAFES Galicia).
