Noticias

A Asociación do Traxe Galego convoca a XIII edición do Premio de investigación "Antonio Fraguas" sobre o traxe tradicional galego, o único destas características que se realiza en Galicia. Os gañadores coñeceranse na primeira quincena do mes de decembro e recibirán o seu premio nun acto no Salón Nobre de Raxoi.

O alcalde compostelán, Xosé A. Sánchez Bugallo, presidiu o Consello de Administración da Sociedade Municipal de Xestión do Transporte Urbano (Tussa). No mesmo produciuse a incorporación do agora concelleiro de Transportes, Carlos Nieves, como novo conselleiro, en substitución de Francisco Candela.

Nos nove primeiros meses de 2007, o cemiterio de Boisaca rexistrou un total de 361 inhumacións e 35 incineracións. Na totalidade do 2006 realizáranse 398 inhumacións e 41 incineracións. O mes con maior número de defuncións foi xaneiro, mentres xullo foi o de menos.

A V OIimpiada Solidaria de Estudo terá lugar entre o 5 de novembro e o 5 de decembro de 20007. Os centros socioculturais da Trisca, Conxo, Vite e Fontiñas, así como 12 centros universitarios participarán nesta campaña en Compostela. A nosa cidade é a que máis salas habilitará en Galicia, e a nosa comunidade é a que máis achega no conxunto de España (169) tras Madrid.

Os profesores e alumnos da Escola Municipal de Música veñen de levar a un CD as súas tomas falsas, que reflicten o traballo e o bo ambiente que preside esta institución académica. A presentación de "Tomas falsas" tivo lugar durante o concerto co que a Escola abriu o curso.

O xurado do Premio Santiago de Compostela de Cooperación Urbana, promovido polo Consorcio, designou gañador por unanimidade o proxecto da praza San Esteban do centro histórico de San Salvador (El Salvador). A esta primeira edición do certame presentáronse 24 proxectos pertencentes a 12 países latinoamericanos.

A Comisión Executiva do Padroado da Fundación Eugenio Granell, reunida no Pazo de Bendaña, aprobou os ornamentos para 2008, que ascenden á cantidade de 483.379 euros.

O mércores, 31 de outubro, ás 19:00 horas, terá lugar no salón de actos da Escola Municipal de Música de Santiago de Compostela un concerto de inauguración do curso 2007/2008, no que participará o alumnado da Escola. Ao acto asistirá o alcalde de Santiago, Xosé Sánchez Bugallo, e a concelleira de Educación, Guadalupe Rodríguez.

A exposición "A cidade interpretada" péchase definitivamente coa peza "Melodie Fisterra", de Hans Schabus. Esta intervención foi inaugurada na Alameda de Santiago (paseo dos León) polo concelleiro de Cultura, Néstor Rego. Alí estará ata o 30 de novembro.

As Microguías de Oportunidades de Negocio, elaboradas pola Concellaría de Promoción Económica, Emprego, Comercio e Turismo xa están a disposición das persoas interesadas na páxina web da Concellaría: www.maiscompostela.org. Os dez documentos, en formato PDF, pódense descargar no espazo adicado a comercio.