Noticias

O concelleiro de Mobilidade, Seguridade Cidadá, Tráfico, Grúa e ORA, Albino Vázquez, presentou o novo servizo da grúa nunha rolda de prensa celebrada na nova parcela do depósito de vehículos, no polígono da Costa Vella. O servizo permitirá optimizar recursos, achegará unha maior seguridade xurídica e dará ao usuario máis facilidades para retirar os seu vehículo.

Presentouse oficialmente a VII edición de Galicia Fashion Week, que se celebrará do 10 ao 15 de xullo en Santiago de Compostela. Na rolda de prensa participaron a concelleira de Comercio e Turismo, Reyes Leis; Jose Matteos, director de GFW, Inma Bernal, en representación de Mercedes Benz, patrocinador oficial de GFW; e María Mera, presentadora dos desfiles.

O alcalde compostelán, Ángel Currás, xunto con varios concelleiros do Goberno local, representantes dos partidos políticos da Corporación municipal e colaboradores da iniciativa fixeron unha pequena ruta por dous restaurantes participantes en Tapéate Compostela. Primeiro estiveron no restaurante Acio e logo en O Curro da Parra.

Santiago acolleu a celebración do San Cristovo cunha concentración de 30 camións que partiu do Paxonal para percorrer o Hórreo e a avenida de Lugo, rematando en Amio. O concelleiro de Mobilidade, Albino Vázquez, sumouse a esta particular procesión subido nun dos camións dos Bombeiros.

A concelleira de Familia, Benestar Social, Muller e Emprego, Paula Prado, asinou un convenio de colaboración co xerente da Área de Xestión Integrada de Santiago do SERGAS, Luis Verde, para o desenvolvemento de parte da formación de residentes da unidade docente psiquiátrica e psicolóxica clínica na Unidade Municipal de Atención a Drogodependentes (UMAD).

O lapis, a cremalleira, o clip, o apósito, o taco de parede, o velcro ou a pinza para tender son inventos que pasan desapercibidos no día a día, afeitos xa ao seu uso habitual, pero que modularon a nosa existencia de forma concluínte e evidente. Ata o 29 de agosto, o Colexio de Fonseca achegará o público espectador ás pequenas ou grandes historias que hai detrás deses obxectos cotiáns.

Nestes días estanse a realizar labores de limpeza de todo o conxunto da praza do Obradoiro, coa vista posta nas vindeiras Festas do Apóstolo e aos milleiros de peregrinos e visitantes que Santiago recibirá nestas datas.

A Concellería de Economía abre o prazo de inscrición para o Curso de Responsabilidade Social Empresarial, acción formativa que se integra dentro do programa Santiago Investors Support, e que se desenvolverá en tres grupos no primeiro trimestre de agosto no edificio municipal CERSIA. A inscrición pode facerse a través da páxina web www.maiscompostela.org.

Os concelleiros Paula Prado, Amelia González e Francisco Noya recibiron os alcaldes e demais participantes da peregrinación polo Camiño Inglés promovida por la asociación Hostalería Compostela.

Na primeira semana das Escolas de Verán 2012, os nenos e nenas participantes tiveron a oportunidade de converterse en pequenos científicos grazas a unha serie de actividades en torno ao medio ambiente, a bioloxía, a astronomía e os inventos. O programa continúa ao longo do mes de xullo nos CEIP Raíña Fabiola, Ramón Cabanillas e Fontiñas. Asisten máis de 200 nenos e nenas.