ALCALDÍA
Recepción en Raxoi ao campión de Europa de squash, Borja Golán
O alcalde presidiu hoxe a recepción a Borja Golán, que vén de proclamarse campión de Europa de squash por segunda vez. O deportista compostelán, de 35 anos, mostrouse moi agradecido por este recoñecemento.
DEREITO Á VIVENDA
O Concello incentiva o alugueiro residencial de vivendas baleiras cunha convocatoria propia de subvencións
As axudas municipais para a mobilización de vivendas en alugueiro permitirá cubrir a metade dos gastos de pequenas reparacións e acondicionamento dos pisos, o custo do certificado de eficiencia enerxética e unha cantidade similar á do imposto de bens inmobles. Estas subvencións pretenden "incentivar que a propiedade poña as súas vivendas baleiras a disposición das familias, apartándose do mercado turístico que segue á alza e que motiva un aumento dos prezos do alugueiro en Compostela".
ALCALDÍA
Recibimento no Obradoiro a un grupo de peregrinos de São João da Madeira (Portugal)
O alcalde de Santiago, Martiño Noriega, recibiu na praza do Obradoiro un grupo de peregrinos da vila portuguesa de São João da Madeira.
POLÍTICAS SOCIAIS
Publicada a resolución provisional da convocatoria de axudas do "bonotaxi"
A Concellaría de Políticas Sociais, Diversidade, Saúde e Centros Cívicos vén de facer pública a resolución provisional da convocatoria de axudas individuais para o uso do "bonotaxi". Este servizo de taxi está pensado como como medio alternativo para as persoas con déficits de mobilidade ou que non poden ou presentan grandes dificultades para o uso do transporte colectivo. Ábrese un prazo de dez días para a presentación de alegacións.
FACENDA
María Rozas empraza a PSOE e BNG para a negociación dos orzamentos de 2019
A concelleira de Economía e Facenda, María Rozas, contactou hoxe co voceiro do PSOE e coa voceira do BNG e emprazounos para iniciar, nos próximos días, o diálogo e negociación dos orzamentos para o 2019.
CONSORCIO
A RFG inicia este mércores un ciclo de concertos gratuítos ao aire libre en barrios emblemáticos de Santiago
A Real Filharmonía de Galicia ten entre as súas prioridades achegar a orquestra e a música clásica a toda a cidadanía. Así, ao longo desta temporada están previstas unha serie de actuacións na rúa e noutros espazos diferentes á sede da orquestra, o Auditorio de Galicia. Nesta liña, a RFG inicia este mércores un ciclo de concertos gratuítos ao aire libre en barrios emblemáticos da cidade, baixo a batuta do xove mestre polaco Jan Wierzba.
POLÍTICAS SOCIAIS E DIVERSIDADE
A Alameda, escenario este domingo da cuarta edición do Festival Intercultural
A concelleira de Políticas Sociais, Diversidade, Saúde e Centros Cívicos, Concha Fernández, presentou esta mañá, acompañada do presidente da Plataforma polo Emprego, Miguel Fernández, e de Nidia Aquino, do Colectivo Paraguay, a cuarta edición do Festival Intercultural, que se celebrará este domingo na Alameda.
TURISMO
A Galería Sargadelos acolle a mostra "O Camiño Urbano, a natureza no km cero"
A concelleira de Turismo, Marta Lois, e a comisaria do proxecto, Gemma Sesar, inauguraron a exposición O Camiño Urbano, a natureza no km cero", que se pode ver na Galería Sargadelos ata o 15 de outubro. A exposición é resultado do traballo de catro ilustradoras que estiveron en Santiago do 30 de maio ao 3 de xuño debuxando os parques, xardíns e contornas naturais das entradas do Camiño de Santiago na cidade.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu un minuto de silencio para condenar os asasinatos machistas de dúas mulleres este xoves en Zaragoza.
ACCIÓN CULTURAL
Visitas guiadas e conferencias para redescubrir Santiago de Compostela na Semana do Patrimonio Invisible
A Concellaría de Acción Cultural impulsa a celebración da Semana do Patrimonio Invisible, unha iniciativa que nos permitirá "redescubrir Santiago a través das visitas guiadas a sete espazos que non forman parte dos circuítos habituais". As actividades serán dende o xoves 13 ata o martes 18 de setembro. O día 15, Santiago celebrará a Noite do Patrimonio, unha iniciativa conxunta do Grupo Cidades Patrimonio da Humanidade para conmemorar o seu 25 aniversario e máis o Ano Europeo do Patrimonio Cultural.