Noticias

Este domingo, 13 de marzo, a Banda Municipal presenta o primeiro concerto dedicado á temática relixiosa ao redor da Semana Santa compostelá. Baixo o título de La Passió de Crist, presenta un programa que comeza co Requiem do compositor D. Maslanka, para continuar ascendendo ao paraiso coa sinfonía La Divina Comedia, de R. W. Smith, e concluir sinfonía do compositor valenciano Ferrer Ferran titulada La Passió de Crist. A cita é no Auditorio de Galicia ás 12:00 horas.

Esta mañá celebrouse a Comisión Informativa de Facenda, na que se deu conta das emendas presentadas pola oposición ao proxecto de orzamentos para 2016 e procedeuse ao debate do Plan Económico Financeiro, do cadro de persoal e dos orzamentos para este exercicio. O vindeiro martes 15 de marzo será o Pleno para a súa aprobación.

O alcalde solicitou hoxe unha entrevista co presidente da Xunta, Alberto Núñez Feijóo, co obxectivo de "recuperar o necesario espazo de colaboración institucional en temas de vital importancia para Compostela". Entre eses asuntos, Martiño Noriega citou o proxecto da intermodal, a política aeroportuaria ou a variante de Aradas. O rexedor reclamaralle a Alberto Núñez Feijóo o regreso á senda da cooperación "despois dalgunhas actuacións unilaterais, fundamentalmente por parte da Consellería...

A compostelá Mery Pais fíxose esta tarde co primeiro premio da 9ª edición do Premio Auditorio de Galicia para Novos Artistas, dotado con 6.000 euros. Recibiu o galardón de mans do alcalde da cidade, Martiño Noriega, pola peza #Intrusas, videoinstalación que afonda nun tema moi sensible: a situación de exclusión social a que se vén sometidas as protagonistas da obra por unha dobre condición, ser mulleres e musulmás. O segundo premio, que entregou a concelleira de Acción Cultural, Branca Novoneyra,...

A Concellaría de Educación e Cidadanía puxo en marcha este curso escolar o programa didáctico Vivir Santiago, con diferentes propostas para por en valor o patrimonio de Compostela. Estas actividades están a disposición do IV Ciclo da USC, dentro do convenio de colaboración asinado entre a Universidade de Santiago e este Departamento municipal. Desta vez, realizouse un percorrido polo cemiterio de Boisaca, para coñecer o patrimonio funerario de Compostela. O concelleiro de Educación, Manuel Dios, sumouse á...

O alcalde, Martiño Noriega, e a concelleira de Políticas Sociais, Concha Fernández, visitaron esta mañá o albergue de Xoán XXIII para coñecer máis polo miúdo o seu funcionamento e as súas necesidades. O centro, dependente da Xunta, forma parte da mesa de traballo e coordinación sobre persoas sen fogar que puxo en marcha o Concello, para buscar unha solución integral na atención a este colectivo tan sensible.

As concelleiras de Acción Cultural e Turismo, Branca Novoneyra e Marta Lois, presentaron en rolda de prensa a programación que o Concello vén de preparar para a Semana Santa deste 2016. Santiago, paixón doce e De lugares e órganos. Músicas e outras paisaxes de Compostela son as principais accións dun calendario que irá do 11 de marzo ao 3 de abril.

A concelleira de Economía e Facenda, María Rozas, presentou en rolda de prensa o Plan de Control Tributario que se levará este venres a Xunta de Goberno para a súa aprobación definitiva. Farase unha inspección a 1.430 contribuíntes en relación aos impostos de Plusvalías, ICIO, IAE, vados e outras ocupacións.

O alcalde de Santiago, Martiño Noriega, recibiu o poeta arxentino Carlos Penelas, co que mantén unha amizade dende hai anos. O escritor está en Galicia para presentar o seu último libro, La luna en el candil de la memoria.

O alcalde, Martiño Noriega, recibiu hoxe no Pazo de Raxoi ao Deán da Catedral de Santiago, nun encontro enmarcado na continua colaboración que manteñen as dúas institucións. Segundo Pérez solicitou a xuntanza para informarse sobre varias cuestións relacionadas co Centro de Acollida de Peregrinos de Carretas.