ALCALDÍA
A Corporación declara o valor da lingua de signos como "garante da equidade, da inclusión e de liberdade"
O alcalde de Santiago presidiu unha recepción en Raxoi á Asociación de Persoas Xordas de Santiago, con motivo da celebración do Día Nacional da Lingua de Signos Española. No marco deste acto, Martiño Noriega leu unha declaración institucional, subscrita polos catro grupos municipais, na que se afirma "o valor da lingua de signos na educación, como garante da equidade, da inclusión e de liberdade".
CONSORCIO
Alumnado da Escola de Altos Estudos Musicais ofrece este xoves un novo concerto no Paraninfo da USC
A Escola de Altos Estudos Musicais (EAEM) ten en marcha a iniciativa A Escola na Cidade, un ciclo de concertos de música de cámara interpretados polos alumnos e alumnas do Curso Avanzado de Especialización Orquestral do centro. As entradas destas actuacións son gratuítas ata completar aforo.
EDUCACIÓN E CIDADANÍA
"La huerta de Simón", da arxentina Rocío Soledad Alejandro, gaña o X Premio Internacional "Compostela" de Álbums Ilustrados
A X edición do Premio Internacional "Compostela" de Álbums Ilustrados xa ten gañadora, tal como anunciou o xurado tras a súa última reunión este mércores. Trátase da arxentina Rocío Soledad Alejandro, pola súa obra La huerta de Simón.
CONVIVENCIA
Baixa lixeiramente o número de positivos na campaña de control de alcohol e drogas da Policía Local
A Policía Local de Compostela vén de colaborar coa Dirección Xeral de Tráfico na campaña de control da taxa de alcoholemia e drogas que se desenvolveu en todo o Estado do 5 ao 11 de xuño. Nestes días, realizáronse máis de mil probas de alcoholemia e delas resultaron positivas o 1,58%, un 0,33% menos que na campaña que se desenvolvera hai un ano.
DEPORTE
A Festa do Deporte contará con máis de 50 entidades e 47 disciplinas deportivas
A concelleira de Deporte, Noa Morales, deu conta este martes dos detalles da I Festa do Deporte, que se celebrará o vindeiro sábado 17 de xuño en varias localizacións de Compostela, entre as que destacan a Alameda, o complexo de Santa Isabel, o parque de Galeras ou a praza Roxa.
POLÍTICAS SOCIAIS
O Mapa Emocional de San Pedro percorre a memoria do barrio a través dos seus veciños e veciñas
A concelleira de Políticas Sociais, Diversidade e Saúde, Concha Fernández, presentou este martes o Mapa Emocional de San Pedro, unha iniciativa que navega pola memoria do barrio e que foi posible grazas ao traballo de Unitaria. Na rolda estivo acompañada de Gonzalo Suárez e Coro González, responsables do proxecto.
CONSORCIO
Alumnado da Escola de Altos Estudos Musicais ofrece este mércores un concerto no Paraninfo da Universidade
A Escola de Altos Estudos Musicais (EAEM) ten en marcha a iniciativa A Escola na Cidade, un ciclo de concertos de música de cámara interpretado polo alumnado do Curso Avanzado de Especialización Orquestral do centro. As entradas destas actuacións son gratuítas ata completar aforo.
EDUCACIÓN E CIDADANÍA
Exposición pública da listaxe definitiva de admitidos/as na Escola Municipal de Música para o curso 2017-2018
Finalizado o período de reclamacións ás listas provisionais de admitidos, a Concellaría de Educación e Cidadanía procede á publicación da listaxe definitiva de admitidos/as na Escola Municipal de Música de Santiago para o vindeiro curso 2017-2018. Iníciase así o proceso de matrícula, de acordo cos prazos e o procedemento aprobado pola Xunta de Goberno Local do 17 de marzo.
DESENVOLVEMENTO ECONÓMICO
Marta Lois participou na clausura da II edición do programa Mentoring da USC
A concelleira de Igualdade, Densenvolvemento Económico e Turismo, Marta Lois, participou este martes na clausura do programa Mentoring da Universidade de Santiago, unha iniciativa que busca reducir a incerteza do alumnado que rematou ou está a piques de rematar a súa etapa universitaria e carece de referencias para orientar axeitadamente o seu perfil ao mercado laboral. Nesta ocasión participaron 141 mentores, e foron 91 os mentorizados que completaron o proceso con éxito.
IGUALDADE E FACENDA
O catálogo "Igualdade Ilustrada" recolle 28 retratos de mulleres referentes nas artes, ciencias, letras e música
A concelleira de Igualdade, Desenvolvemento Económico e Turismo, Marta Lois, presentou esta mañá os catálogos Igualdade Ilustrada, que o Concello editou en colaboración con Promove, o IES de Sar e o CIPF Compostela. No acto, que tivo lugar no Salón Vermello do Concello, estivo acompañada por Carmela Romay, coordinadora da selección de retratos e portada do IES de Sar; Anxo Jamardo, coordinador do traballo de edición do CIPF Compostela, e Luz Fandiño, en representación das mulleres retratadas.