Noticias

O alcalde de Santiago, Agustín Hernández, mantivo na tarde de onte unha reunión no Pazo de Raxoi co secretario de Estado de Infraestruturas, Rafael Catalá, á que tamén asistiron o director xeral de Estradas, Jorge Urrechu, e o xefe de Demarcación de Estradas en Galicia, Ángel González del Río.

A concelleira de Turismo, Reyes Leis, asistiu na praza de Abastos á presentación do proxecto Tabernas gastronómicas do Concello de Vedra, que integra unha rede de 16 establecementos onde se poden atopar as mellores opcións gastronómicas deste municipio.

O casco histórico de Santiago espertábase esta mañá cunhas bandeirolas penduradas de 30 dos seus edificios. Trátase de Picheleir@s, unha exposición do Consorcio de Santiago que recolle a maioría de oficios e profesións que tiveron protagonismo na cidade dende a Idade Media ata a actualidade. Cada bandeirola mostra a un persoeiro real, cun oficio particular, e sitúanse na fachada dos edificios nos que viviron ou traballaron. Ademais, estase a preparar un libro en coedición coa editorial Positivas, que se...

O alcalde de Santiago, Agustín Hernández, recibiu os decanos dos colexios de Avogados, Evaristo Nogueira, e de Procuradores, José Paz. Na reunión tamén participaron os voceiros dos grupos municipais. Continúan así as xuntanzas con diferentes colectivos da cidade co fin de "buscar un posicionamento unánime da cidade en defensa da demarcación xudicial de Santiago, para así trasladarlla ao Ministerio de Xustiza", indicou o rexedor municipal.

O alcalde compostelán, Agustín Hernández, asistiu no Hostal dos Reis Católicos á presentación da publicación de Teófilo Comunicación Santiago, meu amor, dedicada ás vítimas do accidente ferroviario de Angrois.

A concelleira de Festas, María Antón presentou o programa das Festas do Apóstolo 2014, que se celebrarán durante 14 días: do 18 ao 31 de xullo. Trátase dun programa con variedade de rexistros e espectáculos para todos os gustos e idades, actividades culturais e lúdicas que conforman un programa diversificado para unha cidade plural como a nosa. As Festas comezarán este venres, día 18, co pregón dun campión do mundo que vive e se sinte identificado cao nosa cidade: o triatleta Iván Raña, que...

Dende o pasado 15 de xullo, os voluntarios de Protección Civil de Santiago prestan axuda aos peregrinos que se achegan a Compostela seguindo algún dos Camiños.

Co fin de poñer en funcionamento as instalacións deportivas municipais (pavillóns, campos de fútbol, pistas de atletismo…) para a vindeira tempada, a Concellería de Deportes pon en coñecemento de todas as entidades que teñan previsto participar en actividades de carácter periódico (principalmente as de competición e as vinculadas aos centros de ensino) e que estean interesadas no uso das devanditas instalacións, que o prazo oficial de solicitude estará aberto ata o xoves 24 de xullo.

A concelleira de Cultura e Patrimonio, María Antón, asinou este martes en Bilbao o convenio marco do Camiño Cultural Atlántico, concibido como unha ruta costeira entre o sueste de Francia, Norte de España e Norte de Portugal. O documento foi subscrito tamén por alcaldes e representantes municipais de Bilbao, Biarritz, San Sebastián, Santander, Gijón, Oviedo, Avilés, Vigo, Braga e Guimaraes. As outras catro cidades implicadas (Burdeos, Bayona, A Coruña e Porto), suscribirá este mesmo acordo en datas próximas,...

Continúa o programa de visitas guiadas ao castelo da Rocha Forte iniciado o pasado mes de maio co obxectivo de explicar e contar in situ a súa historia. As visitas programadas para os meses de xullo, agosto e setembro -de carácter divulgativo e didáctico- están abertas ao público en xeral. Nos meses de outubro e novembro as visitas destinaranse aos grupos escolares.