PROMOCIÓN ECONÓMICA
Santiago, Ames, Teo e Val do Dubra acollen o Encontro internacional para o desenvolvemento local dende a transversalidade de xénero
Está previsto que 125 persoas, entre responsables de emprego, técnicos de emprego e axentes de emprego e desenvolvemento local de España, Italia, Grecia e Polonia participen no Encontro internacional para o desenvolvemento local dende a transversalidade de xénero, que se celebrará os días 18, 19 e 20 de abril en Santiago, Ames, Teo e Val do Dubra.
INFRAESTRUTURAS
A autovía entre Santiago e Brión estará rematada antes do verán de 2008 e o enlace coa Ramallosa en xaneiro do mesmo ano
O alcalde compostelán, Xosé A. Bugallo acompañou ao presidente da Xunta, Emilio Pérez Touriño, nunha visita polas obras de construción das autovías entre Santiago e Brión e entre Santiago e A Ramallosa (Teo). Ao ritmo que van as obras, a primeira estará rematada antes de verán de 2008 e a segunda incluso antes, en xaneiro do mesmo ano.
ALCALDÍA
O alcalde reuniuse coa Asociación de Veciños "Sandra Prego Rial"
Os representantes da Asociación de Veciños "Sandra Prego Rial", do grupo Cardenal Quiroga (Pontepedriña), reuníronse en Raxoi co alcalde compostelán, Xosé A. Sánchez Bugallom e coa concelleira de Rehabilitación e Casco Histórico, Mercedes Rosón.
MEDIO AMBIENTE
Unha nova exposición amosa o contorno verde de Compostela
O Centro Sociocultural e Xuvenil do Ensanche acollerá ata o 30 de abril unha nova exposición que recolle fotografías sobre o contorno verde da cidade. A mostra, obra de Sonia Iglesias, foi inaugurada polo alcalde, Xosé A. Sánchez Bugallo, na compaña das concelleiras de Medio Ambiente, Marta Álvarez-Santullano, e de Centros Socioculturais, Guadalupe Rodríguez.
SANIDADE
Nova campaña para mitigar a presenza de roedores nas vivendas e na vía pública
A concelleira de Sanidade, Elvira Cienfuegos, presentou unha nova campaña de control de roedores. A empresa Arumia encargarase desta actuación, que se concentra en varias fases e que busca a colaboración cidadá.
EDUCACIÓN
Aprobados os prazos para o acceso á Escola Municipal de Música
O Goberno local aprobou os prazos de reserva de praza, de solicitude de admisión de novo alumnado e de matrícula na Escola Municipal de Música. Tamén se estableceu o procedemento a seguir polos interesados.
INFRAESTRUTURAS
Todo listo para o comezo das obras de urbanización da Rúa Nova de Abaixo
A partir do mércores 18 de abril e durante 45 días, quedará cortado o tráfico na Rúa Nova de Abaixo. Comezan así as obras de urbanización desta rúa, que seguirá o modelo estético e funcional das últimas rúas reformadas no Ensanche, como Xeneral Pardiñas ou República do Salvador.
CASCO HISTÓRICO
Concello, Ministerio de Vivenda e Consellería de Vivenda colaborarán en corenta novas actuacións de rehabilitación e na reurbanización das rúas Trinidade e Carretas
O Goberno local aprobou a memoria programa para a sinatura da oitava fase do convenio entre a Consellería de Vivenda, o Ministerio de Vivenda e o Concello polo que se financian actuacións de rehabilitación e reurbanización na cidade histórica. Esta colaboración permitirá 40 novas actuacións de rehabilitación de edificios e vivendas, e a reurbanización das rúas Trinidade e Carretas. En total investiranse 846.666 euros.
INFRAESTRUTURAS
Douscentos mil euros para obras de accesibilidade e de eliminación de barreiras
O Goberno local deu o visto bo a diversas obras de accesibilidade e superesión de barreiras arquitectónicas. Estas actuacións contrataranse por un total de 200.000 euros.
INFRAESTRUTURAS
Melloras no carril de servizo na N-550 entre a Avenida de Lugo e o acceso a Fontiñas
O carril de servizo na N-550 entre a rotonda da Avenida de Lugo e o acceso a Fontiñas dende o Periférico será acondicionado para mellorar as súas condicións de seguridade e dotalo dunha beirrarrúa.
