Noticias

Ars Combinatoria, de Chema Madoz, é a nova exposición que acolle o Auditorio de Galicia dende o 14 de marzo e que permanecerá aberta ata o 24 de xuño.

A concelleira de Obras e Infraestruturas, María Castelao, anunciou que a Intervención municipal procederá á devolución dunha liquidación de 135.726 euros presentada pola adxudicataria da segunda fase do contrato das obras de reforzo do firme en 2010 por obras realizadas a maiores dese contrato. Segundo explicou, o Concello non pode facer fronte ao pago dunhas obras feitas sen os trámites de contratación e intervención legalmente obrigatorios.

O concelleiro de Xuventude, Adrián Varela, presentou novas propostas formativas para os vindeiros meses. Entre elas destaca un curso de monitor de tempo libre, pero tamén se impartirá formación en materias como o coaching laboral, a fotografía, o cómic ou as curtametraxes.

O concelleiro de Cultura, Ángel Currás; o director-xerente do Auditorio de Galicia, José Víctor Carou; Jorge Rey e Alfredo Padilla presentaron Hamlet. A work in progress sobre o orixinal de William Shakespeare, a estrea absoluta que será a próxima obra teatral da Zona "C". As sesións, 15, serán do 16 de marzo ao 8 de abril e desenvolveranse en tres linguas: galego, español e inglés.

Tan só unha semanas despois de ter pasado por Raxoi polo seu triunfo na Copa Xunta, o Autos Lobelle de Santiago FS foi de novo recibido polo alcalde compostelán, Xerardo Conde Roa. Esta vez, o club non puido levar o título da Copa de España, pero si realizou un gran papel, chegando á final ante o FC Barcelona.

Aline Frazao inaugurou en febreiro o novo ciclo Íntimo&Acústico. Agora, continuamos coas propostas deste ciclo que promete grandes citas musicais na nosa cidade. Este mes de marzo teremos a Simon Finn, Palabra de Muller e Daniel Higgs.

A Xunta de Goberno, na súa sesión ordinaria, adxudicou do estudo denominado Marco conceptual para o desenvolvemento de políticas de atracción e promoción da implantación de novas empresas e a creación de emprego. Ademais, contratouse unha asesoría técnica que colaborará na posta en marcha dos programas deportivos municipais e designouse o xurado do Premio Internacional Compostela de Álbums Ilustrados.

A Xunta Local de Seguridade quedou constituída en Raxoi nunha reunión presidida polo alcalde compostelán, Xerardo Conde Roa, e polo subdelegado do Goberno, Jorge Atán Castro. Na sesión aprobouse a constitución dunha Comisión de Coordinación Policial que se encargará de elaborar o Plan Local de Seguridade e o Plan de Seguridade Viaria.

A Galería Sargadelos acolleu o primeiro dos concertos dirixidos as familias compostelás que o Departamento de Educación organizou, nesta ocasión, a través da Escola Municipal de Música. Numerosas familias sumáronse a este concerto.

A concelleira de Persoal, Amelia González, ofreceu en rolda de prensa algúns datos sobre o aforro producido nos últimos meses en horas extras da Policía Local e dos Bombeiros e tamén do Parque Móbil municipal. Segundo indicou, estes aforros son consecuencia dunha "mellor reorganización" e realizáronse "sen merma para o funcionamento dos servizos".