Noticias

O alcalde recibiu en Raxoi a Emilio Calatayud, xuíz titular do Xulgado de Menores número 1 de Granada, moi coñecido polas súas sentenzas educativas e rehabilitadoras. A aplicación da Lei do menor e a necesidade de explicala axeitadamente foi un dos temas dos que falaron nesta xuntanza.

O concelleiro de Cultura Néstor Rego e membros do grupo Arrás presentaron o concerto de presentación do seu primeiro disco "Asumindo riscos" que terá lugar o sábado 21 de abril, a partir das 21:00 horas, no Teatro Principal. As entradas terán un prezo único de 5 euros e poderanse mercar no lugar do concerto.

O concelleiro de Promoción Económica, Xosé Manuel Iglesias, e o alcalde de Ames, Carlos Fernández, como representantes da Comisión Executiva da Agrupación de Desenvolvemento Equal Compostela Social, inauguraron o Seminario Transnacional "O impacto dos Proxectos Equal no desenvolvemento local desde unha perspectiva de xénero". O seminario enmárcase no Encontro internacional para o desenvolvemento local desde a transversalidade de xénero, organizado pola Agrupación de Desenvolvemento Equal Compostela Social. Nas...

O Colexio Oficial de Arquitectos de Galicia (COAG) entregou os XII Premios de Aquitectura de Galicia, nun acto celebrado no Centro Galego de Arte Contemporánea. O alcalde compostelán, Xosé A. Sánchez Bugallo, asistiu ao evento.

O restaurante Castro acolleu a cea coa que o Concello e os veciños de Santiago quixeron render homenaxe a Xaquín Mato Castro, presidente da asociación "Raigame" do Ensanche, e a María Cruz Vázquez Veiga, máxima responsable da asociación "Ponte Sionlla" de Enfesta, pola súa longa traxectoria no movemento veciñal.

O venres 20 de abril o Concello de Santiago abre as súas portas ás asociacións, colexios, cidadáns ou turistas que desexen coñecer un pouco máis de preto a sede da institución. Ademais da celebración dun pleno infantil no que participará alumnado de numerosos colexios composteláns, este ano o alcalde, Xosé Sánchez Bugallo, exercerá de anfitrión daqueles visitantes que queiran coñecer o Concello da súa man. Todas as persoas ou organizacións que desexen participar na xornada...

"Escoita o que pintas: as aventuras de Pedro e o Lobo" é o título da nova proposta didáctica e musical que presentan a Escola Municipal de Música e a concellaría de Educación e Mocidade. Grazas á mesma, alumnos de infantil e de primaria poderán interactuar coas artes da música e da pintura.

Alumnos de 3, 4 e 5 anos asistirán os días 24 e 25 de abril a unha singular proposta teatral: "O son das cousas". Esta representación de Sapristi Teatro transita nun xogo escénico construído a partir de pequenas situacións arredor dos sons da vida. Non hai texto falado, falan os sons.

A Facultade de Filosofía e a Aula de Cultura de Caixa Galicia acollen as II Xornadas da Francofonía do 23 ao 26 de abril, este ano dedicadas á banda deseñada. A Concellería de Cultura colabora con este evento, organizado pola Facultade de Filoloxía, polo Centro de Linguas Modernas da Universidade de Santiago, pola Alianza Francesa, pola Asociación de Profesores de Francés de Galicia e pola Escola Oficial de Idiomas de Santiago.

Dende principios do mes de marzo, a residencia militar de acción social de estudantes "Teniente General Barroso" conta cun novo responsable, o coronel Manuel García Vilamea. O alcalde compostelán recibiuno en Raxoi e amosou a dispoñibilidade municipal para seguir colaborando con este complexo.